Farhat Abbas Shah

Aik qatra malaal bhi boya nahin geya..

Farhat Abbas Shah Poetry

Aik qatra malaal bhi boya nahin geya,
Woh khauf tha ke logon se roya nahin geya,

Yeh sach hai ke teri bhi neendain ujarr gayin,
Tujh se bichar ke hum se bhi soya nahin geya,

Us raat tu bhi pehle sa apna nahin laga,
Us raat khul ke mujhse bhi roya nahin geya,

Daman hai khushk, ankh bhi chup chaap hai bohat,
Larriyon mein aansuyon ko piroya nahin geya,

Alfaaz talkh, baat ka andaaz sard hai,
Pichlaa malaal aaj bhi goya nahin geya,

Ab bhi kahin kahin pe hai kalakh lagi huyi,
Ranjish ka daagh theek se dhoya nahin geya..

…

Humsafri ka bojh uthana parta hai..

Farhat Abbas Shah Poetry

Humsafri ka bojh uthana parta hai,
Dil ko duh ke sath chalana parta hai,

Hum jese awaara dil logon ko bhi,
Koi na koi qaul* nibhana parta hai,

Kabhi kabhi ik dard bhari siskaari se,
Khamoshi ko zakham lagana parta hai,

Sanattey mehfooz rakhe hain seeney mein,
Weeraani ka hath battana parta hai,

Pehle karna parta hai ik jungle saaf,
Uss ke baad ik sheher basaana parta hai,

Roz humain yadon ke ghaur samandar mein,
Raat gaye ik deep jalana parrta hai,

Pardon ka ik khail sajaana parta hai,
Aik uthaana aik giraana parta hai,

Tanhai mein bhi rehna majboori hai,
Logon mein bhi aana jana parta hai..

(qaul;promise)

…

Udaas shamain, ujarr rastey, kabhi bulayen to laut ana..

Farhat Abbas Shah Poetry

Udaas shamain, ujarr rastey, kabhi bulayen to laut ana,
Kisi ki ankhon main ratjagon ke azaab ayen to laut ana,

Abhi neyi wadiyon, naye manzron main reh lo magar meri jaan,
Yeh saarey aik aik karke jab tum ko chorr jayen to laut ana,

Naye zamanon ko qurb orrhey, zayeef lamhey, niddhaal yadain,
Tumharey khawbon ke band kamron mein laut ayen to laut ana,

Agar andheron main chorr keer tum ko bhool jayen tumhare sathi,
Aur apni khatir hi apne apne diye jalayen to laut ana,

Meri woh batain to jin pe be’ikhtyaar hanstaa tha khil’khilaa kar,
Bicharney wali meri woh batain kabhi rulaayain to laut ana..

…

Tumhara Pyaar Mere Chaar Suu Abhi Tak Hai

Farhat Abbas Shah Poetry

Tumhara Pyaar Mere Chaar Suu Abhi Tak Hai
Koi Hisaar Mere Chaar Suu Abhi Tak Hai

Bichartay Waqt Jo Tum Sonp Kar Gaye Thay Mujhe
Wo Intezaar Mere Chaar Suu Abhi Tak Hai

TU Khud Hee Jaanay Kaheen Door Kho Gaya Hai Magar
Teri Pukaar Mere Chaar Suu Abhi Tak Hai

Mein Jub Bhi Nikla Mere Paon Chhaid Daalay Ga
Jo Khaar Zaar Mere Chaar Suu Abhi Tak Hai

Mein Ab Bhi Girtay Howay Paanion Ki Qaid Mein Hun
Ik Aabshaar Mere Chaar Suu Abhi Tak Hai

Koi Gumaan Mujhe Tum Se Door Kaisay Karay ?
Ke Aitbaar Mere Chaar Suu Abhi Tak Hai

…

Ye Neend Ki Devi Bhi Ajab Dushman-e-Jaa.n Hai

Farhat Abbas Shah Poetry

Ye Neend Ki Devi Bhi Ajab Dushman-e-Jaa.n Hai
Aankhon Se Sadaa Door Rahay Raat Gaye Tak

Paspaa Howay Tanhaayi Ki Yalgaar Se Jub Bhi
Hum Sheher Mein Awaarah Phiray Raat Gaye Tak

…

Tapish Se Bach Ke Ghataon Mein Baith Jaatay Hain

Farhat Abbas Shah Poetry

Tapish Se Bach Ke Ghataon Mein Baith Jaatay Hain
Gaye Howun Ki Sadaaon Mein Baith Jaatay Hain

Hum Ird Gird Ke Mausam Se Jub Bhi Ghabraayein
Tere Khayaal Ki Chhaon Mein Baith Jaatay Hain

…

Tujh Se Bichda Tou Kidher Jaonga

Farhat Abbas Shah Poetry

Tujh Se Bichda Tou Kidher Jaonga ?
Mein Tou Be-Chaini Se Mar Jaonga

Mein Tou Aisay Nahi Jaanay Waala
Chaand Doobay Ga Tou Ghar Jaonga

Moutyon Se Bhara Bartan Hun Mein
Toot Jaonga, Bikhar Jaonga

Mein Tou Sehma Howa Sannata Hun
Apni Awaaz Se Dar Jaonga

Mein Agar Koi Samandar Bhi Hun
Ik Tere Dard Se Bhar Jaonga

Waqt Ke Rath Se Mein “Farhat Abbas”
Kaheen Chup Chaap Bikhar Jaonga

…

Saabit hua ke tu bhi zamane ke sath hai

Farhat Abbas Shah Poetry

Saabit hua ke tu bhi zamane ke sath hai,
Saabit hua ke tu bhi hamaara nahin rahaa..

…

Saanson Ki Hararat Se Pighal Jaanay Ka Mausam

Farhat Abbas Shah Poetry

Saanson Ki Hararat Se Pighal Jaanay Ka Mausam
Aaya Hai Teri Aanch Mein Jal Jaanay Ka Mausam

Ham Ko Nahi Maaloom Tha Ishq Ka Aaghaaz
Yaadon Mein Kaheen Door Nikal Jaanay Ka Mausam

Lagta Hai Ke Chehre Pe Tere Theher Gaya Hai
Yak Lakht Kayi Rang Badal Jaanay Ka Mausam

Ay Sheher Tasalli Tere Mashkoor Hain Ham
Aaya Hee Nahi Dil Ke Sambhal Jaanay Ka Mausam

Ye Sheher-e-Tamanna Bhi Anokha Hai Ke Is Per
Barsaat Mein Bhee Rehta Hai Thal Jaanay Ka Mausam

Chehre Pe Agarche Hai Mere Subaah Ka Ujaala
Aankhon Mein Magar Shaam Ke Dhal Jaanay Ka Mausam

…

Be-Qaraari Ke Waar Ke Dar Se

Farhat Abbas Shah Poetry

Be-Qaraari Ke Waar Ke Dar Se
Bin Bulaaye Nikal Pade Ghar Se

Ek Tou Kuch Dasht Yaad Aatay Hain
Aur Wo Abar Jo Bohat Barsay

Koi Qaabil Nahi Bharosay Ke
Koi Mehfooz Hee Nahi Shar Se

Loog Tarsay Hain Paanion Ke Lye
Ham Magar Teri Pyaas Ko Tarsay

Aap Ko Yaad Hai Ke Hum Ek Din ?
Lout Aaye Thay Aap Ke Dar Se

…

Hijr Jaari Hai Aur Jeevan Hai

Farhat Abbas Shah Poetry

Hijr Jaari Hai Aur Jeevan Hai
Be-Qaraari Hai Aur Jeevan Hai

Khwaahishon Ke Ajeeb Mausam Mein
Aah-o-Zaari Hai Aur Jeevan Hai

Mustaqil Taig Raaigaani Ki
Zarb-Kaari Hai Aur Jeevan Hai

Dard Ne Mautabar Kia Mujh Ko
Burd-Baari Hai Aur Jeevan Hai

Ishq Ke Saamnay Mere Dil Ki
Inkisaari Hai Aur Jeevan Hai

Ek Ek Pal Howa Giraan Mujh Per
Saans Jaari Hai Aur Jeevan Hai

Haalat Ab Apni Ek Muddat Se
Iztaraari Hai Aur Jeevan Hai

…

Kahan Dil Qaid Se Chhoota Howa Hai

Farhat Abbas Shah Poetry

Kahan Dil Qaid Se Chhoota Howa Hai ?
Abhi Tak Sheher Se Rootha Howa Hai

Hum Kaisay Kahain Is Dil Ko Sacha ?
Hamaaray Saamnay Jhoota Howa Hai

Ksi Ka Kuch Nahi Yahan Per….
Ye Sab Saamaan Loota Howa Hai

Tumhaaray Dil Mein Meri Chaahaton Ka
Koi Tou Beej Sa Phoota Howa Hai

Kisi Ke Naam Lag Jaayein Balaa Se
Ye Dil Phele Se Hee Toota Howa Hai

…

Udas Shaamain,Ujaar Rastay Kabhi Bulain Tou Laut Aana

Farhat Abbas Shah Poetry

Udas Shaamain,Ujaar Rastay Kabhi Bulain Tou Laut Aana
Kisi Ki Aankhon Mein Ratjagon Ke Azaab Aain Tou Laut Aana

Abhi Nayi Wadiyoon,Naye Manzaroon Mein Reh Lo Magar Meri Jaan
Yeh Saray Ik Aik Kar Kay Jab Tum Ko Choor Jain Tou Laut Aana

Jo Shaam Dhaltay Hi Apni Apni Panah Gahoon Ko Lautay Hain
Agar Woh Panchi Kubhi Koi Daastan Sunain Tou Laut Ana

Naye Zamaanon Ka Kurb Orhay Zaeef Lamhay, Nidhaal Yaadain

Tumhaaray Khwaabon Ke Band Kamron Mein Laut Aain Tou Laut Aana

Mein Roz Younhi Hawa Pay Likh Likh Kar Us Ki Janib Ye Bhejta Hoon
Kay Achay Mausam Agar Paharoon Pe Muskurain Tou Laut Aana

Agar Andheron Mein Choor Kar Tum Ko Bhool Jayein Tumharay Sathi
Aur Apni Khatir Hi Apnay Apnay Diye Jalain Tou Laut Aana

Meri Woh Batain TU Jin Pay Hansta Tha Khilkhila Kar
Bicharnay Walay Meri Woh Batain Kabhi Rulain Tou Laut Aana…..!

…

Mere Dil Ke Shaam Saweray Ho

Farhat Abbas Shah Poetry

Mere Dil Ke Shaam Saweray Ho
“Ik Baar Kaho Tum Mere Ho”

Mujhe Tum Bin Kuch Dikhaayi Na De
Kiun Itnay Ghoor Andheray Ho ?

Mein Panchi Pyaar Ke Deson Ki
Tum Mere Rain Basairay Ho

Mein Maal-o-Manaal Mohabbat Ka
Tum Daaku Chor Lutairay Ho

Kuch Bolo Ya Aazaad Karo
Kiun Khamooshi Se Ghairay Ho ?

…

Jazba-o-Shoq Ki Rawaani Mein

Farhat Abbas Shah Poetry

Jazba-o-Shoq Ki Rawaani Mein
Galti Ho Gayi Jawaani Mein

Zindagaani Tou Jaisay Doob Gayi
Hijr Aur Gham Ki Be-Karaani Mein

Jaanay Kia Keh Gaya Hai Ashkon Ko
Aag Si Lag Gayi Hai Paani Mein

Ik Din Dil Hawaas Kho Baitha
Ik Choti Si Naagihaani Mein

Tajziya Hee Nahe Kiya Os Ka
Umer Beeti Hai Khush-Gumaani Mein

Oski Aadat Se Mujhko Lagta Hai
Koi Lazzat Hai Bad-Gumaani Mein

Ik Kashish Si Ajeeb Hoti Hai
Ishq Ki Saltanat Ki Raani Mein

Wo Mujhe Dekh Kar Bohat Khush Hai
Dukh Ke Sooraj Ki Saayebaani Mein

Ik Mohabbat Hai Aur Judai Hai
Umer Ki Mukhtasir Kahani Mein

Jitna Aaya Hai Tere Baad Nazar Baarish Mein

Farhat Abbas Shah Poetry

Jitna Aaya Hai Tere Baad Nazar Baarish Mein
Itna Sunsaan Na Tha Pehlay Nagar Baarish Mein

Dhul Gaya Lamhon Mein Saalon Ka Parra Gard-o-Ghubaar
Ho Gaye Aur Bhee Sar-Sabz Shajar Baarish Mein

Tujh Ko Maloom Nahi Royi Howi Aankh Ka Gham
Kar Ke Dekho Tou Kisi Shaam Safar Baarish Mein

Kam Tou Pehlay Bhi Nahi Tha Magar Ay Bichray Howay
Barh Gaya Aur Tere Gham Ka Asar Baarish Mein

Har Taraf Ek Udaasi Si Utar Aati Hai
Kisi Zindaan Mein Dhal Jaata Hai Ghar Baarish Mein

Ay Alamnaak Ghatao Ose Jaa Kar Kehna
Takta Rehta Hai Koi Jaanib-e-Dar Baarish Mein

Is Qadar Rasmi Hai Wo Shakhs Ke Bas Holay Se
Pooch Leta Hai Janaab Aaj Kidher Baarish Mein ?

…

Shehar Barbad Ho Raha Hai Abhi..

Farhat Abbas Shah Poetry

Shehar Barbad Ho Raha Hai Abhi,
Aur Tu Hai Kay So Raha Hai Abhi,

Dekh Veeran Ho Raha Hai Jahan,
Aur Tu Daagh Dho Raha Hai Abhi..

Teray Andar Bhi Koi Dukh Main Hai,
Meray Andar Bhi Ro Raha Hai Koi..

…

Bicharnay Ke Zamaanay Aagaye Hain

Farhat Abbas Shah Poetry

Bicharnay Ke Zamaanay Aagaye Hain
Ose Kitnay Bahaanay Aagaye Hain

Udaasi Mein Ghar Se Rehtay Thai Jub Hum
Wo Saaray Din Puraanay Aagaye Hain

Nahin Hain Khush Gira Kar Arsh Se Bhi
Zameen Se Bhi Uthaanay Aagaye Hain

Wo Hum Per Muskuraanay Aagaye Hain
Naya Ek Gham Lagaanay Agaye Hain

Kisi Ki Mout Ke Aasaar Dil Mein
Sif-e-Maatam Bichaanay Aagaye Hain

Bata Do Mausam-e-Girya Ko Farhat
Ke Hum Ronay Rulaanay Aagaye Hain

…

Ye Jo Aansuuoun Mein Gharoor Hai

Farhat Abbas Shah Poetry

Ye Jo Aansuuoun Mein Gharoor Hai
Ye Mohabbaton Ka Fatoor Hai

Tera Aasmaan Qareeb Tha
Mera Aasmaan Tou Door Hai

Mujhe Keh Rahi Thi Wo Azam Se
Mujhe Tum Ko Paana Zaroor Hai

Ye Meri Shabeeh Nahi, Suno
Ye Tou Meri Aankh Ka Noor Hai

Tere Ishq Ka Teri Rooh Ka
Meri Wehshaton Mein Zahoor Hai

Meri Shayari Ki Ragon Mein Sab
Teri Chaahaton Ka Saroor Hai

Mujhe Apne Rutbay Ka iLm Hai
Mujhe Apne Gham Ka Shaoor Hai

Meri Rooh Gham Se Nidhaal Hai
Meri Zaat Hijr Se Choor Hai

Teri Naik Naami Mein Kaafi Kuch
Meri Be-Kali Ka Kasoor Hai

…

Ho Ke Barbaad Bhee Har Haal Mein Khush

Farhat Abbas Shah Poetry

Ho Ke Barbaad Bhee Har Haal Mein Khush
Ham Parinday Hain Tere Jaal Mein Khush

Tum Rahay Paas Hamaray Tou Rahay
Ham Mohabbat Ke Isi Saal Mein Khush

Dil Tou Zakhmon Mein Bhee Khush Hai Jaisay
Koi Panchi Ho Par-o-Baal Mein Khush

Dil Ko Fitrat Ke Taqaazon Se Samajh
Kis Qadar Tha Mein Teri Shaal Mein Khush

Dil Ko Tou Dil Se Khushi Milti Hai
Dil Rahay Ga Na Khad-o-Khaal Mein Khush

…

Gumnaam Dayaaron Mein Safar Kiun Nahee Kartay

Farhat Abbas Shah Poetry

Gumnaam Dayaaron Mein Safar Kiun Nahee Kartay ?
Ujray Howay Loogon Pe Nazar Kiun Nahee Kartay ?

Ye Khwaab Ye Khushion Bharay Hanstay Howay Ye Khwaab
Ye Khwaab Mere Dil Pe Asar Kiun Nahee Kartay ?

Khwaahish Ke, Tamaaniat-e-Ehsaas Ke Panchi
Kuch Roz Mere Ghar Mein Basar Kiun Nahee Kartay ?

Subhon Se Hain Maghloob Tou Phir Zaim Kaisa Hai ?
Raaton Pe Hain Ghalib Tou Seher Kiun Nahee Kartay ?

Ye Loog Musalsal Hain Jo Ik Khauf Ke Qaidi
Is Khauf Ki Deewaar Mein Dar Kiun Nahee Kartay ?

Kiun Aap Uthaatay Ho Udaasi Ke Ye Asbaab ?
Shaamon Ke Ghulaamon Ko Khabar Kiun Nahee Kartay ?

…

Wo Kuch Is Tarah Bhi Taqdeer Bana Daita Hai

Farhat Abbas Shah Poetry

Wo Kuch Is Tarah Bhi Taqdeer Bana Daita Hai
Dard Ki Rooh Ko Jaageer Bana Daita Hai

Ik Maseehai Utar Aati Hai Shairon Mein Mere
Koi Alfaaz Ko Taaseer Bana Deta Hai

Naqsh Karta Hai Ujaagar Meri Aawaazon Ko
Baat Karta Hun Tou Tasweer Bana Daita Hai

Aankh Maasoom Hai Laikin Koi Karni Waala
Hadaf Dil Ke Lye Teer Banaa Daita Hai

Ghair Laita Hai Nishanaat-e-Qadam Bhi Farhat
Ishq Ko Halqa-e-Zanjeer Bana Daita Hai

…

Mout Ka Aitbaar Kar Laitay ?

Farhat Abbas Shah Poetry

Mout Ka Aitbaar Kar Laitay ?
Do Ghari Intezaar Kar Laitay ?

Dard Mun Phair Kar Nahi Jaata
Dard Hee Ikhtiyaar Kar Laitay ?

Lout Kar Phir Yehi Howa Hota
Tum Kisi Se Bhi Pyaar Kar Laitay ?

Ay Mere Dil Kubhi Kubhi Koi
Shaam Hee Khushgawaar Karlaitay ?

Jhoot Ki Nokri Se Behtar Tha
Khud Ko Berozgaar Karlaitay ?

…

Mein Ne Dekha Deewanon Ko Shaam Ke Baad

Farhat Abbas Shah Poetry

Mein Ne Dekha Deewanon Ko Shaam Ke Baad
Dhoond Rahay Thay Weeranon Ko Shaam Ke Baad

Tareeki Phir Saaray Aib Chhupa Le Gi
Le Aana Ghar Mehmaanon Ko Shaam Ke Baad

Mein Ne Oska Sog Manaaya Kuch Aisay
Khaali Rakha Paimaanon Ko Shaam Ke Baad

Yaad Karay Jab Mujhko Teri Tanhai
Dekha Karna Guldaanon Ko Shaam Ke Baad

Farhat Chaand Ke Khauf Se Karlaita Hun Band
Kamray Ke Roshan Daanon Ko Shaam Ke Baad

…

Din Museebat Ke Tal Gaye Hotay

Farhat Abbas Shah Poetry

Din Museebat Ke Tal Gaye Hotay
Apna Rasta Badal Gaye Hotay

Dil Ki Wehshat Ne Barh Ke Ghair Lya
Warna Aagay Nikal Gaye Hotay

Tere Gham Ne Qadam Ukhair Dye
Warna Kab Ke Sambhal Gaye Hotay

Tum Ne Loogon Ko Kiun Tawajja Di ?
Apne Hee Aap Jal Gaye Hotay

Shukar Hai Hum Nahi Hain Din Warna
Shaam Ke Waqt Dhal Gaye Hotay

…

Husn-o-Jamaal Ke Bhi Zamaanay Nahi Rahay

Farhat Abbas Shah Poetry

Husn-o-Jamaal Ke Bhi Zamaanay Nahi Rahay
Aankhon Mein Oski Khwaab Suhaanay Nahi Rahay

Milnay Ko Aa Hee Jata Hai Har Chund Roz Baad
Lagta Hai Oske Paas Bahaanay Nahi Rahay

Larzish Hai Haath Mein Tou Mein Tou Nazar Bhi Hai Dhundli
Pehlay Se Ab Wo Dil Ke Nishaanay Nahi Rahay

Uthti Nahi Hain Shoq-o-Tajassus Ke Ba-Wajood
Aankhon Ke Kitnay Kaam Puraanay Nahi Rahay

Kamray Se Bhar Gaye Hain Masaail Ki Gard Se
Dil Mein Tere Khayaal Ke Khaanay Nahi Rahay

…

Kubhi Safar Tou Kubhi Shaam Le Gaya Mujh Se

Farhat Abbas Shah Poetry

Kubhi Safar Tou Kubhi Shaam Le Gaya Mujh Se
Tumhara Dard Kayi Kaam Le Gaya Mujh Se

Mujhe Khabar Na Howi Aur Zamaana Jaatay Howay
Nazar Bachaa Ke Tera Naam Le Gaya Mujh Se

Ose Ziaada Zaroorat Thi Ghar Basaanay Ki
Wo Aake Mere Dar-o-Baam Le Gaya Mujh Se

Bhalaa Kahan Koi Juz Oske Milnay Waala Tha
Bas Ik Jurrat-e-Naakaam Le Gaya Mujh Se

Bas Ik Lamhay Ke Sach Jhoot Ke Awiz Farhat
Tamaam Umar Ka ilzaam Le Gaya Mujh Se

…

Sochtay Rehnay Ki Aadat Hogayi

Farhat Abbas Shah Poetry

Sochtay Rehnay Ki Aadat Hogayi
Chaunktey Rehnay Ki Aadat Hogayi

Hijr Ki Raaton K Sung Aankhoun Ko Bhi
Jaagtey Rehnay Ki Aadat Hogayi

Jaaney Kia Dar Hai K Apnay Aap say
Bhaagtey Rehnay Ki Aadat Hogayi

Woh Nahin Lautey Gaa Phir Kiyoon Rehguzar
Daikhtey Rehnay Ki Aadat Hogayi

Woh Meray Andar Chupa Hay Or Usay
Boltey Rehnay Ki Aadat Hogayi~!

…

Mere Baad Dard Ki Daastan

Farhat Abbas Shah Poetry

Mere Baad Dard Ki Daastan
Tujhe Kon Aa ke Sunaye Ga ?

Mujhe Raastay Mein Khabar Mili
Wo Tou Sheher Hee Se Chala Gaya

Meri Zindagaani Ke Khaar-o-Khas
Koi Jaatay Jaatay Jala Gaya

Mere Ratjago Ko Khabar Karo
Mujhe Neend Aayi Hai Dekhne

Mein Tou Apnay Aap Mein Hee Nahi
Mujhe Mere Haal Pe Chhor Do

Bada Sakht Hai Tera Raasta
Mujhe Meri Raah Pe Mor De

Tujhe Kaisa Lagta Hai Din Dhalay ?
Kisi Dukh Ka Seenay Mein Tootna….!

…

Dil Udaas Rehta Hai, Baarishon Ke Mausam Mein…

Farhat Abbas Shah Poetry

Dil Udaas Rehta Hai
Baarishon Ke Mausam Mein
Zindagi Pighalti Hai
Khwaahishon ke Mausam Mein
Waqt Thehar Jata Hai
Muntazir Nigahon Mein
Janglon Ke Khatray Hain
Bastion Ki Raahon Mein
Ho Sake Tou Lout Aana
Pyar Ki Panahon Mein..
Ishq Ka Ijaara Hai
Dil Ki Shahraaon Per

…

Dekh lena ke kisi dukh ki kahani to nahin

Farhat Abbas Shah Poetry

Dekh lena ke kisi dukh ki kahani to nahin,
Yeh jo aansuu hain kahin us ki nishani to nahin,

Dikh rahi hai jo mujhe saaf teri aankhon mein,
Tu ne yeh baat kahin mujhse chupaani to nahin,

Jis tarah sheher se nikla hoon mein beemar tera,
Yeh ujarrna hai koi nakal-makaani to nahin,

Yeh jo har morr pe aa milti hai mujhse farhat,
Badnaseebi bhi kahin meri deewani to nahin..

(Nakal-Makani:Move out, To vacate a residence)

…

Mohabbat chup nahin sakti

Farhat Abbas Shah Poetry

[lg_image folder="shayari/" image="Mohabbat chup nahin sakti.jpg" align="center" display="slide"]

…