Nasir Kazmi Poetry

Duniya Ke Sitam Yaad Na Apni Wafaa Yaad

Nasir Kazmi Poetry

Duniya Ke Sitam Yaad Na Apni Wafaa Yaad
Ab Mujh Ko Nahi Kuch Bhi Mohabbat Ke Siwa Yaad

Mein Shikwah Ba Lab Tha, Mujhe Ye Na Bhi Raha Yaad
Shayad Ke Mere Bhoolnay Waalay Ne Kia Yaad

Kia Jaaniye Kia Ho Gaya Arbaab-e-Junoo.n Ko
Jeenay Ki Adaa Yaad Na Marnay Ki Adaa Yaad

Kia Lutf Ke Mein Apna Pataa Aap Bataaon
Kijiye Koi Bhooli Howi Khaas Apni Adaa Yaad

Muddat Howi Ek Haadsa-e-Ishq Ko Laikin
Ab Tak Hai Tere Dil Ke Dharaknay Ki Sadaa Yaad

…

Diyaar-e-Dil Ki Raat Mein Charaagh Sa Jalaa Gaya

Nasir Kazmi Poetry

Diyaar-e-Dil Ki Raat Mein Charaagh Sa Jalaa Gaya
Mila Nahi Tou Kia Howa, Wo Shakal Tou Dikha Gaya

Wo Dosti Tou Khair Ab Naseeb-e-Dushmanaa.n Howi
Wo Choti Choti Ranjishon Ka Lutf Bhee Chala Gaya

Judayion Ke Zakham Dard-e-Zindagi Ne Bhar Dye
Tujhe Bhee Neend Aa Gayi Mujhe Bhi Sabar Aa Gaya

Pukaarti Hain Fursatain Kahan Gayin Wo Sohbatain
Zamee.n Nigal Gayi Unhain Ke Aasmaan Khaa Gaya

…

Kabhi roye, kabhi tujh ko pukaara..

Nasir Kazmi Poetry

Kabhi roye, kabhi tujh ko pukaara,
Shab-e-furqat bari mushkil se guzri..

…

Kuch Tou Ehsaas-e-Ziyaan Tha Phele

Nasir Kazmi Poetry

Kuch Tou Ehsaas-e-Ziyaan Tha Phele
Dil Ka Ye Haal Kahan Tha Phele

Ab Tou Manzil Bhi Hai Khud Garm-e-Safar
Har Qadam Sang-e-Nishaan Tha Phele

Safar-e-Shoq Ke Farsang Na Pooch
Waqt Be-Qaid Makaan Tha Phele

Ye Alag Baat Ke Gham Raas Hai Ab
Is Mein Andaisha-e-Jaan Tha Phele

Yun Na Ghabraye Howay Phirtay Thay
Dil Ajab Kunj-e-Amaan Tha Phele

Ab Bhi TU Paas Nahi Hai Laikin
Is Qadar Door Kahan Tha Phele

Dairay Daalay Hain Bagolon Ne Jahan
Os Taraf Chashm-e-Rawaan Tha Phele

Har Kharab Ye Sadaa Deta Hai
Mein Bhi Aabaad Makaan Tha Phele

Kia Se Kia Ho Gayi Dunya Pyaaray
TU Waheen Per Hai Jahaan Tha Phele

Ham Ne Aabaad Kia Mulk-e-Sukhan
Kaisa Sunsaan Samaa Tha Phele

Ham Ne Bakshi Hai Khamoshi Ko Zabaan
Dard Majboor-e-Fugaan Tha Phele

Ham Ne Roshan Kia Maamoor-e-Gham
Warna Har Simt Dhuwaan Tha Phele

Gham Ne Phir Dil Ko Jagaya “Nasir”
Khana-e-Barbaad Kahan Tha Phele

…

Sheher mein humdum puraaney bohat they..

Nasir Kazmi Poetry

Sheher mein humdum puraaney bohat they Nasir,
Waqt parrne pe mere kaam na aaya koi..

…

Sheher ki be’chiraag galiyon mein..

Nasir Kazmi Poetry

Sheher ki be’chiraag* galiyon mein,
Zindagi tujh ko dhoondti hai abhi..

(be’chiraag;dark, having no light)

…

Jab tak ham masroof rahe yeh dunya thi sunsaan

Nasir Kazmi Poetry

Jab tak ham masroof rahe yeh dunya thi sunsaan,
Din dhalte hi dheyaan mein aye kese kese log ..

…

Juda huye hain bohat log ik tum bhi sahi

Nasir Kazmi Poetry

Juda huye hain bohat log ik tum bhi sahi,
Ab itni si baat pe kya zindagi haraam karain..

…

Teri Zulfon Ke Bikharnay Ka Sabab Hai Koi

Nasir Kazmi Poetry

Teri Zulfon Ke Bikharnay Ka Sabab Hai Koi
Aankh Kehti Hai Tere Dil Mein Talab Hai Koi

Aanch Aati Hai Tere Jism Ki Uryaani Se
Pairhan Hai Ke Sulagti Howi Shab Hai Koi

Hosh Uraanay Lageen Phir Chaand Ki Thandi Kirnain
Teri Basti Mein Hun Ya Khwaab-e-Tarb Hai Koi

Geet Banti Hai Tere Sheher Ki Bharpoor Hawa
Ajnabi Mein Hee Nahi TU Bhee Ajab Hai Koi

Lye Jaati Hain Kisi Dehaan Ki Lehrain “Nasir”
Door Tak Silsila Taak-e-Tarb Hai Koi

…

Yun Baitha Hun Dil Ke Daagh Se Khush

Nasir Kazmi Poetry

Yun Baitha Hun Dil Ke Daagh Se Khush
Jaisay Bacha Charaagh Se Khush

Jab Taaron Ki Shamain Jhilmilain
Saaqi Ne Kia Ayaagh Se Khush

Gham Chorh Gaya Jisay Jagaa Kar
Wo Dil Na Howa Faraagh Se Khush

Ab Naala-e-Dil Na Chairh Bulbul
Ye Baagh Hai Shor-e-Zaagh Se Khush

Ab Raas Hai Ka Kunj-e-Gham Hee “Nasir”
Ab Dil Nahi Sair-e-Baagh Se Khush

…

Bhari dunya mein jee nahin lagta..

Nasir Kazmi Poetry

Bhari dunya mein jee nahin lagta,
Jaane kis cheez ki kami hai abhi..

…

Hoti Hai Tere Naam Se Wehshat Kabhi Kabhi

Nasir Kazmi Poetry

Hoti Hai Tere Naam Se Wehshat Kabhi Kabhi
Barham Hui Hai Yun Bhi Tabiyat Kabhi Kabhi

Ay Dil Kise Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Tere Karam Se Ay ALm-e-Husn-e-Aafreen
Dil Ban Gaya Hai Dost Ki Khilwat Kabhi Kabhi

Dil Ko Kahan Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Josh-e-Junoon Main Dard Ki Tugyaniyon K Saath
Ashkon Main Dhal Gai Teri Surat Kabhi Kabhi

Tere Qareeb Reh k Bhi Dil Mutmayin Na Tha
Guzri Hai Mujh Pe Ye Qayamat Kabhi Kabhi

Kuch apna Hosh Tha Na Tumhara Khayaal Tha
Yun Bhi Guzar Gai Shab-e-Furqat Kabhi Kabhi

Ay Dost Ham Ne Tark-e-Muhabbat Ke Bawajood
Mehsoos Ki Hai Teri Zarurat Kabhi Kabhi

…

Tere Mere Darmiyaan, Bas Ik Khalaa Reh Jaaye Ga

Nasir Kazmi Poetry

Be-Karaan Tanhaayion Ka Silsila Reh Jaaye Ga
Tere Mere Darmiyaan, Bas Ik Khalaa Reh Jaaye Ga

Aks Beh Jaayein Ge Saaray Dhoop Ke Sailaab Mein
Aur Koi Paanion Mein Jhaankta Reh Jaaye Ga

Mujh Ko Mere Hamsafar Aisa Safar Darpaish Hai
Raasta Kat Bhee Gaya Tou Faasla Reh Jaaye Ga

Loog So Jaayein Ge Khamoshi Ki Chaadar Orh Kar
Chaand Soonay Aanganon Mein Jaagta Reh Jaaye Ga

Jo Kubhi Os Ne Parheen Theen Mujh Se Nasir Maang Kar
Naam Mera Un Kitaabon Mein Likha Reh Jaaye Ga

…

Yaad Aata Hai Roz-o-Shab Koi

Nasir Kazmi Poetry

Yaad Aata Hai Roz-o-Shab Koi
Ham Se Rootha Hai Be-Sabab Koi

Lab-e-Jo Chhaon Mein Darakhton Ki
Wo Mulaaqaat Thi Ajab Koi

Jab Tujhe Pehli Baar Dekha Tha
Wo Bhee Tha Mausam-e-Tarb Koi

Kuch Khabar Le Kar Teri Mehfil Se
Door Betha Hai Jaan-e-Balab Koi

Na Gham-e-Zindagi Na Dard-e-Firaaq
Dil Mein Yunhi Si Hai Talab Koi

Yaad Aati Hai Door Ki Baatain
Pyaar Se Dekhta Hai Jab Koi

Chout Khaayi Hai Baar-Haa Laikin
Aaj Tou Dard Hai Ajab Koi

Jin Ko Mitna Tha Mit Chukay Nasir
Un Ko Ruswa Karay Na Ab Koi

…

Tere Milnay Ko Be-Kal Hogaye Hain

Nasir Kazmi Poetry

Tere Milnay Ko Be-Kal Hogaye Hain
Magar Ye Loog Paagal Hogaye Hain

Bahaarain Le Ke Aaye Thay Jahaan Tum
Wo Ghar Sunsaan Jangal Ho Gaye Hain

Yahaan Tak Barh Gaye Aalaam-e-Hasti
Ke Dil Ke Honslay Shal Ho Gaye Hain

Unhain Sadyon Na Bhoolay Ga Zamaana
Yahaan Jo Haadsay Kal Ho Gaye Hain

Jinhain Hum Dekh Kar Jeetay Thay Nasir
Wo Loog Aankhon Se Ojhal Ho Gaye Hain

Tanhayi Ka Dukh Gehra Tha

Nasir Kazmi Poetry

Tanhayi Ka Dukh Gehra Tha
Mein Darya Darya Rota Tha

Ek Hee Leher Na Sambhli Warna
Mein Toofaanon Se Khaila Tha

Tanhaayi Ka Tanha Saaya
Dair Se Mere Saath Laga Tha

Chhor Gaye Jub Saaray Saathi
Tanhaayi Ne Saath Diya Tha

Sookh Gayi Jab Sukh Ki Daali
Tanhaayi Ka Phool Khila Tha

Tanhaayi Mein Yaad-e-Khuda Thi
Tanhaayi Mein Khauf-e-Khuda Tha

Tanhaayi Mohraab-e-Ibaadat
Tanhaayi Manbar Ka Diya Tha

Tanhaayi Mera Paa-e-Shikasta
Tanhaayi Mera Dast-e-Dua Tha

Wo Jannat Mere Dil Mein Chhupi Thi
Jisay Mein Baahir Dhoond Raha Tha

Tanhaayi Mere Dil Ki Jannat……………..
Mein Tanhaa Hun, Mein TanhaTha…!

…

Udaasion Ka Samaa Mehfilon Mein Chhor Gayi..

Nasir Kazmi Poetry

Udaasion Ka Samaa Mehfilon Mein Chhor Gayi
Bahaar Ik Khaash Si Dilon Mein Chhor Gayi

Bichar Ke Tujh Se Hazaaron Taraf Gaya Khayaal
Teri Nazar Mujhe Kin Manzilon Mein Chhor Gayi

Kahan Se Laa’ye Ab Os Nigaah Ko Nasir ?
Jo Na-Tamaam Umangain Dilon Mein Chhor Gayi

…

Dil DhaRakne Ka Sabab Yaad Aaya

Nasir Kazmi Poetry

Dil DhaRakne Ka Sabab Yaad Aaya
Wo Teri Yaad Thi Ab Yaad Aaya

Aaj Mushkil Tha Sambhalna Ay Dost
TU Musibat Main Ajab Yaad Aaya

Din Guzra Tha Bari Mushkil Se
Phir Tera Waada-e-Shab Yaad Aaya

Tera Bhula Hua Paimaan-e-Wafa
Mar Rahenge Gar Ab Yaad Aaya

Phir Loog Nazar Se Guzre
Phir Koi Sheher-e-Tarab Yaad Aaya

Haal-e-Dil Hum Bhi Sunate Laikin
Jab Wo Rukhsat Howa Tab Yaad Aaya

Baith Kar Saaya-e-Gul Main ‘Nasir’
Hum Bohat Roye Wo Jab Yaad Aaya

…

Safar-e-Manzil-e-Shab Yaad Nahi

Nasir Kazmi Poetry

Safar-e-Manzil-e-Shab Yaad Nahi
Loog Rukhsat Huye Kab Yaad Nahi

Awwaleen Qurb Ki Sarshaari Mein
Kitnay Armaan Thay Jawaab Yaad Nahi

Dil Main Har Waqt Chubhan Rehti Thi
Thi Mujhe Kis Ki Talab Yaad Nahi

Wo Sitaara Thi K Shabnam Thi k Phool
Ik Soorat Thi Ajab Yaad Nahi

Kaisi Veeraan Hai Guzargaah-e-Khayaal
Jub Se Wo Aariz-o-Lab Yaad Nahi

Bhooltay Jaatay Hain Maazi Ke Dayaar
Yaad Aayein Bhi TOu Sub Yaad Nahi

Aisa Uljha Hun Gham-e-Duniya Main
Ek Bhi Khwaab-e-Tarb Yaad Nahi

Rishta-e-Jaan Tha Kubhi Jis Ka Khayaal
Oski Soorat Bhi Tou Ab Yaad Nahi

Ye Haqiqat Hai K Ehbaab Ko Ham
Yaad Hee Kab Thay Jo Ab Yaad Nahi

Yaad Hai Sair-e-Charaaghan “Nasir”
Dil k Bujhne Ka Sabab Yaad Nahi

…

Dard kam hone laga aao ke kuch raat kate

Nasir Kazmi Poetry

Dard kam hone laga aao ke kuch raat kate
Gham ki miaad badha jaao ke kuch raat kate

Hijr mein aah-o-baka sa kuhan hai lekin
Aaj yeh rasm hi dohrao ke kuch raat kate

Yun to tum roshni qalb-o-nazar ho lekin
Aaj who mojezah dikhlao ke kuch raat kate

Dil dukhaata hai who milkar bhi magar aaj ki raat
Usi be-dard ko le aao ke kuch raat kate

Dam ghuta jaata hai afsurda dili se yaaro
Koi afvah hi phailao ke kuch raat kate

Main bhi bekaar hun aur tum bhi ho viran bahot
Doston aaj na ghar jaao ke kuch raat kate

Chod aaye ho sarshaar use kyun NAASIR
Use phir ghar se bula lao ke kuch raat kate

(Miaad:Duration)(Mojezah:Something Unthinkable)(Afsurda:Sad)(Sarshaar:Alone)

…

Kya lage raat ke phir dil mein samaya koi

Nasir Kazmi Poetry

Kya lage raat ke phir dil mein samaya koi
Raat bhar phirta hai is sheher mein saya koi

Fikr yeh thi ke shab e hijar kattey gi kyun kar
Lutff yeh hai ke humain yaad na aaya koi

Shauk yeh tha ke mohabbat mein chalein ge chup chap
Ranj yeh hai ke tamasha na dikhaya koi

Sheher mein humdum dereena bohat they nasir
Waqt parney per mere kaam na aya koi

…

Teri nigaah ke jadu bikharte jate hain

Nasir Kazmi Poetry

Teri nigaah ke jadu bikharte jate hain
Jo zakhm dil ko miley woh bharte jate hain

Tere bagher woh din bhi guzar gaye akhir
Tere bagher yeh din bhi guzarte jate hain

Liye chalo mujhe darya-e-shauk ki maujo
Ke hamsafar tou mere paar utarte jate hain

Tamaam umar jahan hanste khelte guzaari
Ab us gali mein bhi hum darte darte jate hain

Mein khawhishon ke gharonde banaye jata hoon
Woh mehntain meri barbaad kiye jate hain

…

Apni dhun mein rehta hoon, Mein bhi tere jesa hoon

Nasir Kazmi Poetry

Apni dhun mein rehta hoon
Mein bhi tere jesa hoon

Oo pichli rut ke sathi
Mein bhi tere jesa hoon

Teri gali mein sara din
Dukh ke kankar chunta hoon

Mera diya jalaye kon
Mein tera khali kamra hoon

Tu jeevan ki bhari gali
Mein jungle ka tanha rasta hoon

Aati rut mujhe roye gi
Jaati rut ka jhonka hoon

…

Naye kapre badal kar jaon kahan

Nasir Kazmi Poetry

naye kapre badal kar jaun kahan aur bal banaun kis k liye
wo shakhs to shahar hi chor gaya ab khak uraun kis k liye

jis dhup ki dil ko thandak thi wo dhup usi k sath gai
in jalti bujhti galiyon main ab khak uraun kis k liye

wo shahar main tha to us k liye auron se milna parta tha
ab aise-waise logon k main naz uthaun kis k liye

ab shahar main is ka badal hi nahi koi waisa jan-e-gazal hi nahi
aiwan-e-gazal main lafzon k guldan sajaun kis k liye

muddat se koi aya na gaya sunsan pari hai ghar ki faza
in khali kamron main ?Nasir? ab shamma jalaun kis k liye

…