Wasi Shah Poetry

Wasi Shah is young pakistani romantic poet. Poeple search Wasi Shah Poetry or Wasi Shah Shayari to read Wasi Shah Shayari. Wasi Shah Poetry is truely loved by urdu readers all over the world. Wasi Shah has wrote so many poetry books, some of them are Mere Ho Ke Raho andMujhe Sandal Kardo.

Na tumhey hosh rahey or na mujhey hosh rahey..

Wasi Shah Poetry

Na tumhey hosh rahey or na mujhey hosh rahey,
Is qadar toot kay chaho mujhey pagal kar do..

…

Is qadar toot kay tum par humey pyar ata hai..

Wasi Shah Poetry

Is qadar toot kay tum par humey pyar ata hai,
Apni bahon me bharien mar hi dalien tum ko..

…

Dheeray Se Sarakti Hai Raat Us Ke Aanchal Ki Tarah

Wasi Shah Poetry

Dheeray Se Sarakti Hai Raat Us Ke Aanchal Ki Tarah
Uska Chehra Nazar Aata Hai Jheel Main Kanwal Ki Tarah

Baad Muddat Usko Daikha To Jism-o-Jaan Ko Yun Laga
Pyasi Zameen Pe Jaisay Koi Baras Gaya Baadal Ki Tarah

Roz Kehta Hai Seenay Pe Sar Rakh K Raat Bhar Jaga’uon Ga,
Sar-e-Sham Hee Mujhe Aaj Phir Sula Gaya Wo Kal Ki Tarah,

Mere Hee Dil Ka Makee.n Nikla Wo Shakhs “Wasi”
Aur Mein Shehar Bhar Me Dhundta Raha Usy Kisi Pagal Ki Tarah

…

Tum mere dard bhi, gham bhi, alaam bhi tum..

Wasi Shah Poetry

Tum mere dard bhi, gham bhi, alaam bhi tum,
Tumn mera chain ho jana, mera araam bhi tum,

Kamyaabi ko nahin hum ne tumhe chahaa hai ,
Hum tumhare hain bhaley ho gaye nakaam bhi tum,

Main maseeha hoon agar, mera wazeefa tum ho,
Main hoon mujrim meri jaan mera ilzaam bhi tum,

Kya zaroorat hai mujhe dard ke me’khaanon ki,
Tumhi nasha, tumhi paimaana, mera jaam bhi tum,

Mukhtlif se bahaanon se mujhe sochtey ho,
Aik din khul ke pukaro ge mera naam bhi tum,

Yeh seyaasat bhi ajab khail hai bholey panchi,
Yahan seyaad bhi tum ho, to teh’daam bhi tum,

Jis se roshan mera aangan hai tumhi ho woh chiraag,
Sach to yeh hai ke tumhi ghar ho, dar-o-baam bhi tum,

Raat din tum ko faqat tum ko mujhe sochna hai,
Meri furssat bhi tumhi aur mera har kaam bhi tum..

…

Is Zameen Pe Bhi Hay Selaab Meray Ashkon Say

Wasi Shah Poetry

Sochta Hoon Ke Usay Neend Bhi Aati Hogi
Ya Meri Tarah Faqat Ashk Bahati Hogi

Wo Meri Shakal Mera Naam Bhulanay Wali
Apni Tasweer Se Kia Aankh Milati Hogi ?

Is Zameen Pe Bhi Hay Selaab Meray Ashkon Say
Meray Matam Ki Sada Arsh Helati Hogi

Shaam Hotay Hi Wo Chokhat Pay Jala Kar Shamain
Apni Palkon Pay Kaii Khowab Sulati Hogi

Us Nay Silwa Bhi Liye Hongay Siya Rang Lebaas
Ab Moharram Ki Tarah Eid Manati Hogi

Hoti Hogi Meray Bosay Ki Talab Main Pagal
Jab Bhi Zulfon Main Koii Phool Sajati Hogi

Meray Tareek Zamano Say Nikalnay Wali
Roshni Tujh Ko Meri Yaad Dilati Hogi

Dil Ki Masoom Ragain Khud Hi Sulagti Hogi
Joon Hi Tasweer Ka Kona Wo Jalati Hogi

Roop Day Kar Mujhay Us Main Kisi Shehzaday Ka
Apnay Bachon Ko Kahani Wo Sunati Hogi

…

Ye Kab Kaha Tha Nazaaron Se Khauf Aata Hai

Wasi Shah Poetry

Ye Kab Kaha Tha Nazaaron Se Khauf Aata Hai ?
Mujhe Tou Chaand Sitaaron Se Khauf Aata Hai,

Main Dushmanon K Kisi Waar Se Nahi Darta,
Mujhe To Apne Hi Yaaron Se Khauf Aata Hai,

Khiza Ka Jabar Tou Seene Pay Rok Lete Hain,
Hamein Udaas Bahaaron Se Khauf Aata Hai,

Mile Hain Dosto Besaakhiyon Se Gham Itne,
Mere Badan Ko Sahaaron Se Khauf Aata Hai….

Main Iltifaat Ki Khandaq Se Door Rehta Hun,
Ta’alluqaat K Gaaron Se Khauf Aata Hai..

…

Mera qadmon pe mera sar hai keyi sadiyon se..

Wasi Shah Poetry

Kesa khaufnaak sa manzar hai keyi sadiyon se,
Mera qadmon pe mera sar hai keyi sadiyon se,

Khauf rehta hai na sailaab kahin le jaye,
Meri palkon pe mera tera ghar hai keyi sadiyon se,

Ashk aankhon mein sulagtey huye so jatey hain,
Yeh meri aankh jo banjar hai keyi sadiyon se,

Kaun kehta hai mulaqat meri aaj ki hai,
Tu meri rooh ke andar hai keyi sadiyon se,

Mene jis ke liye har kisi ko naraaz kiya,
Rooth jaye na yehi dar hai keyi sadiyon se,

Uss ko aadat hai jarr’en* kaat’tey rehne ki Wasi,
Jo meri zaat ka mehwar* hai keyi sadiyon se..

(jarr’en;root, mehwar;focus)

…

Abhi kuch bhi nahin badla..

Wasi Shah Poetry

Abhi kuch bhi nahin badla,
Darakhton par wohi mausam abi tak muskuratey hain,
Abhi tak surmeyi shamain hamarey sath roti hain,
Abhi tak mere honton per tumhare honton ki khushbu
Raqss karti hai,

Abhi tak meri ankhon mein tumhare khawb hanstey hain,
Abhi tak mere hathon per tumhari ungliyon
ki narm pooron se likhey sab harf
zinda hain,

Abhi tak mere seeney mein tumhari saans chalti hai,
Abhi to raston par doodhiya pairon se parney waley
sarey naqsh qayem hain,

Abhi almaariyon mein sarey tohfey gungunatey hain,
Tumhare khat abhi bhi raat ki tanhai mein mujh se,
Tumhari baat kartey hain,

Bohat se saal guzrey hain,
Bohat se waqt beeta hai,
Meri chahat nahin beeti,
Meri himmat nahin guzri,
Abhi kuch bhi nahin badla,
Abhi kuch bhi nahin badla,

Agar chaho,
Agar samjho,
Meri maano,
To laut aao…

…

Apna to chahton mein yehi ik asool hai..

Wasi Shah Poetry

Apna to chahton mein yehi ik asool hai,
Tera bhalaa bura humain sab kuch qubool hai,

Yeh umar bhar ka jaagna bekaar hi na jaye,
Tu naa mila to saari reyaazat fazool hai,

Khud hi kaha tha tu ne meri jaan chorr de,
Ab chorr di to kyon tera chehra malool hai,

Aye Maan yeh meri shohrtain meri yeh iztain,
Kuch bhi nahin bass tere kadmon ki dhool hai,

Aayi jo teri yaad to aankhain barass parri,
Iss waqt tere dard ka dil per nazool hai,

Ik doosrey ke waastey dono baney Wasi,
Guldaan mera dil hai teri yaad phool hai..

…

Ajeeb saanehaa guzraa hai mujh pe aaj ki sham..

Wasi Shah Poetry

Ajeeb saanehaa guzraa hai mujh pe aaj ki sham,
Main aaj shaam tumhare hijar main udaas na tha,

Ab aik saal to yeh aik gham hi kaafi hai,
Tumhari salgiraah par bhi tumhare paas na tha..

…

Maan lai ab bhi meri jaan-e-adaa, dard na chun..

Wasi Shah Poetry

Maan lai ab bhi meri jaan-e-adaa, dard na chun,
Kaam aati nahin phir koi duaa, dard na chun,

Aur kuch dair mein mujh ko chale jana hoga,
aur kuch dair mujhe khawab dikha, dard na chun,

Aik bhi dard na kam hoga keyi sadiyon mein,
Ab bhi kehta hoon tujhe waqt bachaa, dard na chun,

Woh jo likha hai kisi taur nahin ttal sakta,
Aa mere dil main koi deep jala, dard na chun,

Main tere lamss se mehroom na rah jaaon kahin,
Aakhri baar mujhe khud se laga, dard na chun,

Ab to yeh raishmi purain bhi chaddi jati hain,
Khud ko ab bakhssh bhi de, zulm na dhaa, dard na chun,

Yeh nahin hon ge to khali nahin ho jaon ga mein,
Mere zakhmon se koi geet bana, dard na chun,

Kuch na de ga yeh masaayel se ulajhtey rehna,
Chorr sab kuch meri banhon mein samaa, dard na chun..

…

Sari raat ki jaagi aankhein..

Wasi Shah Poetry

Sari raat ki jaagi aankhein,
College mein kiya parrhti hon gi,
Yunhi khoye, dil hi dil mein,
Jaanay kiya kiya karti hon gi,

Sari raat ki jaagi aankhen,
Koi bolay, kaan na dharna,
Koi hillay to ek dam darna,
Koi daikhe in ka barhna,
Apne aap say larti hon gi,

Sari raat ki jagi aankhein,
Apni kitaabein phartey rehna,
Us ki baaten kartey rehna,
Us ki yaadein ghartey rehna,
Jeetay jeetay marti hon gi,

Sari raat ki jagi aankhein,
College mein kiya parrhti hon gi..

…

Kitni masoom ho, naazuk ho, hamaqat na karo..

Wasi Shah Poetry

Ab magar kuch bhi nain, kuch bhi nahin ho sakta,
Apne jazbon se yeh rangeen shararat na karo,

Kitni masoom ho, naazuk ho, hamaqat na karo,
Baar’haa tum se kaha tha ke mohabbat na karo..

…

Haaye Wo Lamha Ke Jab Tujh Se Shanasaayi Howi

Wasi Shah Poetry

Haaye Wo Lamha Ke Jab Tujh Se Shanasaayi Howi
Phir Jo Honi Thi Meri Jaan Wo Ruswaayi Howi

Apni Nakaam Mohabbat Ka Na Yun Charcha Karo
Zakham Barh Jaye Ga Gar Is Ki Paziraayi Howi

Phir Zamanay Mein Kisi Ne Ose Dekha Na Suna
Tere Darbaar Mein Jis Shakhs Ki Shanwaayi Howi

Jab Teri Yaad Ko Koi Bhi Thikaana Na Milay
Meri Baahon Mein Chali Aati Hai Ghabraayi Howi

…

Dya Dye Se Jalaa Loon Tou Chain Aaye Mujhe

Wasi Shah Poetry

Dya Dye Se Jalaa Loon Tou Chain Aaye Mujhe
Tumhain Galay Se Laga Loon Tou Chain Aaye Mujhe

Mohabbaton Ke Saheefay Hain Ya Azaab Koi ?
Tere Khatoot Jala Loon Tou Chain Aaye Mujh

Tum jis baat pe hanste ho main ro parta hoon..

Wasi Shah Poetry

Tum jis baat pe hanste ho main ro parta hoon,
Main jis baat pe rota hoon tum hanss dete ho,

Main jis baat pe bujh jaaon tum khil jate ho,
Main jis baat pe marta hoon tum jee uthte ho,

Main jiss baat pe dard mein dooba rehta hoon,
Tum us baat pe roshan roshan lagte ho,

Soch raha hon kitne zyada alag alag hain,
Teri meri soch ke dhaarey,
Kitne zeyada judaa judaa hain,
Soch raha hoon,
Itne mukhaalif tufaanon ko sahain ge kese,
Tum aur mein ik chat ke neechey rahain ge kese..

…

Kahin jaye usey meri duyayen yaad karti hain..

Wasi Shah Poetry

Kahin jaye usey meri duyayen yaad karti hain,
Usey kehna usey meri wafayain yaad karti hain,

Main aksar aayiney ke samne bechain rehti hoon,
Kisi ne khat mein likha hai, adayain yaad karti hain,

Usey kehna khazayen aagayi hain ab to laut aye,
Usey kehna december ki hawaayain yaad karti hain,

Usey kehna ke aankhon mein ghanni badli si chaayi hai,
Jinhain dil pe barasna hai, ghatayain yaad karti hain,

Geya tha jab tu meri khawhishain bhi sath le jata,
Lahuu mein naachti kuch iltjaayain yaad karti hain..

…

Teri har baat se anjaan bhi ho sakta hai..

Wasi Shah Poetry

Teri har baat se anjaan bhi ho sakta hai,
Dil-e-wehshi, dil-e-nadaan bhi ho sakta hai,

Hum jahan beth ke taaron se teri baat karain,
Woh kisi jism ka dalaa’n bhi ho sakta hai,

Yeh jo ik bherriya* jungle mein hua karta hai,
Kal isi bhaiss* main insaan bhi ho sakta hai,

Ain mumkin hai jisey dil ke bajaye thaamon,
Ab kisi shokh ka damaan bhi ho sakta hai,

Titliyaan nochney* ka jurm kiya hai jis ne,
Woh mere sheher ka sultaan bhi ho sakta hai,

Aaj dil mein teri yadon ke diye jalte hain,
Kal yehi rasta sunsaan bhi ho sakta hai,

Jo tujhe aur kisi ka hone nahin deta,
Yeh mere ishq ka imkaan bhi ho sakta hai,

Yeh jo ik shakhs tujhe dekh kar roshan hai bohat,
Bujh bhi sakta hai yeh veeraan bhi ho sakta hai..

(bherriya;wolf)(bhaiss;appearance)(nochney;plucking)

…

Kab nahin naaz uthaye hain tumhare mene..

Wasi Shah Poetry

Kab nahin naaz uthaye hain tumhare mene,
Dekho aanchal pe sajaye hain sitare mene,

Wohi lamhaat asaasa hain mere jeevan ka,
Jo tere qurb mein lamhaat guzaarey mene,

Roz aate hain mujhe yaad tere zulm-o-sitam,
Roz khanjar keyi seeney mein utare mene,

Har bahana tera aankhon mein saja kar rakha,
Apne seeney se lagaye tere laaray mene,

Meri pooron se mehek ati rahi hai din bhar,
Jab bhi khawbon mein tere baal sanwarey mene,

Teri chokhatt pe keyi baar huyi mujh ko shikast,
Teri dehleez pe aansu keyi haarey mene,

Meri awaaz akeli hi palat kar aayi,
Jab musibat mein kabhi yaar pukarey mene..

…

Meine ghar ke sarey mausam, Sab deewarain..

Wasi Shah Poetry

Meine ghar ke sarey mausam,
Sab deewarain,
Saarey pardey,
Yaadon se rang daaley hain,
Tum aao ge,
Tum is ghar ki har khirrki,
Har bagheechey,
Har ik goshay ko,
Apne rang mein dooba hua mehsus karo ge,
Aajao na!!
Aa bhi jao!!

…

Saanp Hee Saanp Nazar Aatay Hain Khwaabon Mein Mujhe

Wasi Shah Poetry

Saanp Hee Saanp Nazar Aatay Hain Khwaabon Mein Mujhe
Zindagi Ghairnay Waali Hai Azaabon Mein Mujhe

Ek Tasveer Thi Aur Wo Bhi Kaheen Guum Kar Di
Umer Bhar Dhoondna Ab Apni Kitaabon Mein Mujhe

Jab Se Utra Hai Tere Dard Ka Nasha Mujh Mein
Lutf Aata Nahi Duniya Ki Sharaabon Mein Mujhe

Wo Mujhe Chhorr Gaya Tha Kisi Rangeeni Mein
Wo Jo Ab Dhoondta Rehta Hai Kharaabon Mein Mujhe

Tum Ne Ek Umer Kia Hai Nazar Andaaz “Wasi”
Aur Ab Dhoondtay Phirtay Ho Saraabon Mein Mujhe

Zaroob-o-Taqseem “Wasi” Ishq Mein Laa Haasil Hai
Jaanay Kiun Khojtay Rehtay Ho Hisaabon Mein Mujhe ?

…

Mere laut aaney ke imkaa’n bandhe hain..

Wasi Shah Poetry

Jab tak tere aanchal se yeh paimaa’n bandhe hain,
Janaan, Mere laut aaney ke imkaa’n bandhe hain,

Us ko kabhi aati bhi nahin ho gi meri yaad,
Jis shakhs se har lamhaa mere dheyaa’n bache hain..

…

Tum wahan hon, yahan nahin ho tum..

Wasi Shah Poetry

Tum wahan ho, yahan nahin ho tum,
Gham hi gham hain, jahan nahin ho tum,

Ab kisi aur simt dekhta hoon,
Ab mera aasmaan nahin ho tum,

Ishq zinda rahe ga mera,
Haan magar jaavedaa’n nahin ho tum,

Yeh zameen, aasman, hamara dil,
Har jagha ho, kahan nahin ho tum,

Tum karri dhoop ka safar na sahi,
Haan magar saayebaa’n nahin ho tum,

Meri yadain tumhare sar per hain,
Jane man! be’imaan nahin ho tum,

Kis liye aap aap karte ho,
Mujh se gar bad’gumaan nahin ho tum..

…

Roshni Aur Baharain Tumhi Rakh Lo Jana..

Wasi Shah Poetry

Roshni aur baharain tumhi rakh lo jana,
Mere jugnu mere mausam wapis kar do,

Meri hasrat, meri mehroomiyan lauta do mujhe,
Mere aansu, mere maatam mujhe wapis kar do,

Jane waley se bas itna hi kaha tha mene,
Kuch na lotao mere gham mujhe wapis kar do,

Kyon yeh takraar si hone lagi “Main” ki jana’n,
Woh to hum tum mein tha, ik “Hum” mujhe wapis kar do,

Jitni khushiyan hain woh rakh lo meri janib se Wasi,
Meri aankhon mein chupey namm mujhe wapis kar do..

…

Diya diye se jala loon to chain aaye mujhe..

Wasi Shah Poetry

Diya diye se jala loon to chain aaye mujhe,
Tumhain galey se laga loon to chain aaye mujhe,

Mohabbton ke saheefay hain ya azaab koi,
Tere khatoot jala loon to chain aaye mujhe..

…

Woh mujhe chorr geya tha kisi rangeeni main..

Wasi Shah Poetry

Woh mujhe chorr geya tha kisi rangeeni main,
Woh jo ab dhoondta rehta hai kharabon mein mujhe,

Tum ne ik umar kiya hai nazar’andaaz Wasi,
Aur ab dhoondte phirte ho saraabon mein mujhe,

Zaroob-o-taqseem Wasi ishq mein la’hasil hai,
Jaaney kyon khojtay rehte ho hisaabon mein mujhe..

…

Mujhe us se mohabbat hai, Magar kese kahoon us se..

Wasi Shah Poetry

Mujhe us se mohabbat hai,
Magar kese kahoon us se,
Woh meri baat ko sanjeedgi se
kam hi leti hai,
Har ik pal muskurana
Khilkhilaana,
Doston per fikray qassna,
Nit’naye masoom mansoobay banana,
Shokh chanchal har gharri taaza shararat
main bohat masroof rehti hai,

Magar ik aur hadsha bhi hai mujh ko,
Main izhaar se
Iqraar se
khud rokay rakhta hai,
Ke mehke khawab bun’ne, khelne ka waqt hai uska,
Meri chahat
Kahin masoomiyat na cheen le uski,

Sadaa se hum ne dekha hai,
Mohabbat aadmi ko is’qadar sanjeeda karti hai,
Ke phir mehfil, tamashey, khel us ko bojh lagte hain,
Main darta hoon
Kahin yeh bhol’pan us ka,
Yeh har pal cheh’chihaana muskurana sab,
Meri izhaar se sanjeedgi mein na badal jaye,

Kahin us shokhh ko bhi rog koi,
Chup chaap na lag jaye,

Mujhe us se mohabbat hai,
Magar kese kahoon us se….

…

Mere lehje mein jo aansu se utar aye hain

Wasi Shah Poetry

Mere lehje mein jo aansu se utar aye hain,
Kitne barson ke sitam aankh main dar aye hain,

Tum gaye they to yeh dehleez na dekhi thi kabhi,
Aaj tum aaye to hum laut ke ghar aaye hain,

Jaane tanbeeha ki dhamki ke basharat hai koi,
Mere aangan mein jo tootay huye par aaye hain,

Ab hamain khauf hai jeeney ka na mar mitne ka,
Teri chokhat se jo aye hain to mar aye hain,

(tanbeeha;warning)(bahsarat;hint)

…

Kuch nahin paaye ga woh mujh se mohabbat kar ke

Wasi Shah Poetry

Zar ki namoos ki rasmon se baghaawat kar ke,
Kuch nahin paaye ga woh mujh se mohabbat kar ke,

Baiy’n karti huyi aankhain, yeh pareshan zulfain,
Aur kya chahte ho us se mohabbat kar ke,

Phool to phool hain zakhmon ke bhi nakhre hain yahan,
Hum ne dekha hai bohat in ki ibadat kar ke,

Yeh kisi jabr pe honton ko siyaa karte hain,
Zulam karte hain woh zaalim ki himayat kar ke,

Dil ke sehraao’n ki veeraaniya’n jati hi nahin,
Teri yaadon ne bhi dekha yahan hijrat kar ke,

Woh mere hijr ko bhi khail samajhta hai Wasi,
Laut jaye ga kisi roz sharaarat kar ke..

…

Choomna kya usey aankhon se lagana kesa

Wasi Shah Poetry

Choomna kya usey aankhon se lagana kesa,
Phool jo coat se gir jaye uthaana kesa,

Apne honton ki haraarat se jagaao mujh ko,
Yoon sadaaon se dam’e’subaah jagana kesa..

Teri Aankhon Ke Haseen Jaal Main Ajaon Ga Main

Wasi Shah Poetry

Teri aankhon ke haseen jaal mein aajaon ga main,
Mujh ko lagta hai teri chaal main aajaon ga main,

Zindagi baad tere hona thi mushkil lekin,
Yeh na socha ke is haal mein ajaon ga main,

Dekh kar us ko mujhe yad kare gi dunya,
Aik din us ke had’o’haal mein aajaon ga main,

Kitne mausam they jo de kar mujhe taanay guzre,
Tum to kehte they ke ik saal mein ajaon ga main,

Sur mein ajaye ga jeevan tere aa jane se,
Tere aaney se kisi taal mein aajaon ga main,

…

Mein Tere Lab Pe Hun Daireena Shikayat Ki Tarah

Wasi Shah Poetry

Mein Tere Lab Pe Hun Daireena Shikayat Ki Tarah
Yaad Rakha Hai TU Ne Mujh Ko Adaawat Ki Tarah

Chaand Niklay Tou Mera Jism Mehak Uthta Hai
Rooh Mein Utri Howi Taaza Mohabbat Ki Tarah

Teri Khatir Tou Koi Jaan Bhi Le Sakta Hun
Mein Ne Chaaha Hai Tujhe Gaon Ki Izzat Ki Tarah

Khul Rahi Hai Mere Daireena Masaail Ki Giraah
Mere Mahoul Mein Utra Hai Wo Barkat Ki Tarah

Ab Tere Hijr Mein Kuch Lutf Nahi Hai Baaqi
Ab Tujhe Yaad Bhi Kartay Hain Tou Aadat Ki Tarah

Tum Meri Pehli Mohabbat Tou Nahi Ho Laikin
Mein Ne Chaaha Hai Tumhain Pehli Mohabbat Ki Tarah

Wo Jo Aati Hai Tou Phir Lout Ke Jaati Hee Nahi
Tum Lipat Jao Kubhi Aisi Museebat Ki Tarah

Mere Dil Mein Koi Maasoom Sa Bacha Hai “Wasi”
Jo Tujhe Sochta Rehta Hai Shararat Ki Tarah

…

Raat bhar rootha raha..

Wasi Shah Poetry

Baar’haa aese laga,
Jese tera hath,
Mere baalon ko chuaa ho,
Tu ne mujhse kaha ho lekin,
Raat bhar rootha raha,
Tu ne manaya hi nahin…

…

Tanzz Karte Hain Jo Log Un Ko Dikhane Ke Liye

Wasi Shah Poetry

Tanzz karte hain jo log un ko dikhane ke liye,
Laut aao na mere yaar zamane ke liye,

Is liye bhi teri tasveer jala di mene,
Aur kuch tha hi nahin dil ko jalane ke liye,

Tere baayess hi to saktay ka hai aalam taari,
Khud ko naraaz kiya khud ko mananey ke liye,

Aaj phir shaam guzari hai usi jungle mein,
Un darakhton se tera naam mitaney ke liye,

…

Hijar ka naag to pathar ghayal kar deta hai

Wasi Shah Poetry

Hijar ka naag to pathar ghayal kar deta hai,
Sonay jese shakhss ko peetal kar deta hai,

Mere ishq mein shayed koi kami huyi ho,
Tera hussn to ab bhi paagal kar deta hai,

Aesi lazzat kahin nahin milti, shayed woh,
Apna pyaar bhi chaaye mein hall kar deta hai,

Dil mera veeran hua to hasrat kesi,
Hijar ka zeher to daryaa ko thall kar deta hai,

Mujh ziddi ko rab bhi raazi na kar paye,
Lekin teri aankh ka kaajal kar deta hai,

Tere lamss ka jadu bhi kesa jadu hai,
Jiss ko chuu le us ko sandal kar deta hai,

Tera chahra har chehre per chaa jata hai,
Yeh manzar har manzar aujhal kar deta hai,

Aankh ke registaa’n ko teri yaad ka badal,
Chuu jaye to pal mein jal’thall kar deta hai..

…

Kab talak tujh pe inhisaar karain

Wasi Shah Poetry

Kab talak tujh pe inhisaar karain,
Kyon na ab doosron se pyar karoon,

Tu kabhi waqt per nahin pohancha,
Kis tarah tera aitbaar karain..

…

Charha Howa Tha Jo Darya Utar Gaya Kab Ka

Wasi Shah Poetry

Charha Howa Tha Jo Darya Utar Gaya Kab Ka
Tumhara Chaahnay Waala Tou Mar Gaya Kab Ka

Na Meri Rooh Meri Hai Na Mera Jism Mera
Tera Wajood Tou Mujh Mein Utar Gaya Kab Ka

Wo Ik Shakhs Jo Sab Ko Sambhaalay Rakhta Tha
Tumhain Khabar Hee Nahi Hai Bikhar Gaya Kab Ka

TU Jis Ke Waadon Ko Dil Se Lagaye Baitha Hai
Wo Apni Baat Se Pyaaray Mukar Gaya Kab Ka

“Wasi” Mein Ishq Mein Ro Bhi Chuka Hun Mar Bhi Chuka Hun
Hudood-e-Jism Se Mein Tou Guzar Gaya Kab Ka

…

Ashkk girte rahe, dhol bajta raha..

Wasi Shah Poetry

Ashkk girte rahe, dhol bajta raha,
Log marte rahe, dhol bajta raha,

Ronqain lag gayi’n, roshni barh gayi,
Khawab jalte rahe, dhol bajta raha,

Kitne lachaar they, kitne be’bas they hum,
Hath milte rahe, dhol bajta raha,

Raqss they maseeha mere dam-be’dum,
Dil tarrapte rahe, dhol bajta raha..

…

Hum tere hijar mein andar se bikhar jate hain

Wasi Shah Poetry

Hum tere hijar mein andar se bikhar jate hain,
Zinda lagte hain magar asal mein mar jate hain,

Jab kabhi bolta hai hai hanss ke kisi aur se tu,
Kitne khanjar mere seeney mein utar jate hain,

Teri yaadon ki agar’batiyan jal uthte hi,
Hum tere dard ki khushbu’on se bhar jate hain,

Hum se awaara phira karte hain galiyon mein kahin,
Shaam hote hi Wasi log to ghar jaate hain..

…

Hum ne jo deep jalaye hain teri galiyon mein..

Wasi Shah Poetry

Hum ne jo deep jalaye hain teri galiyon mein,
Apne kuch khawb sajaye hain, teri galiyon mein,

Jaane yeh ishq hai ya koi karamat apni,
Chaand le ker chale aaye hain, teri galiyon mein,

Tazkraa ho teri galiyon ka to dar jata hai,
Dil ne woh zakhm uthaye hain, teri galiyon mein,

Is liye bhi teri galiyon se humain nafrat hai,
Hum ne armaan ganwaye hain, teri galiyon mein,

Kyon har ik cheez adhoori si lagti hai,
Jaane kya chorr aye hain, teri galiyon mein..

…

Hum Se Kya Poochte Ho Hijar Mein Kya Karte Hain

Wasi Shah Poetry

Hum se kya poochte ho hijar mein kya karte hain,
Tere laut aaney ki din raat dua karte hain,

Ab koi hont nahin in ko churaaney ate,
Meri aankhon mein agar ashk hua karte hain,

Teri tu jane, par aye jane-tamana hum to,
Saans ke sath tujhe yaad kiya karte hain,

Tu hi pehlu mein nahin warna december mein wahin,
Dhoop mein akhbaar parhaa karte hain,

Kabhi yaadon mein tujhe baa’hon mein bhar lete hain,
Kabhi khawbon mein tujhe choom liya karte hain,

Teri tasveer laga lete hain hum seeney se,
Phir tere khat se teri baat kiya karte hain,

Gar tujhe chorrne ki soch bhi aaye dil mein,
Hum to khud ko bhi wahin chorr diya karte hain..

…

Ab jo lotay ho itne saalon mein

Wasi Shah Poetry

Ab jo lotay ho itne saalon mein,
Dhoop utri huyi hai baalon mein,

Tum meri aankh ke samundar mein,
Tum meri rooh ke ujaalon mein,

Phool hi phool khill uthey mujh mein,
Kaun aaya mere khayalon mein,

Mene jee bhar ke tujh ko dekh liya,
Tujh ko uljhaa ke kuch sawalon mein,

Meri khushiyon ki kaayenat bhi tu,
Tu hi dukh dard ke hawalon mein,

Jab tera doston mein zikar aaye,
Theess uthti hai dil ke chaalon mein,

Tum se abaad hai yeh tanhai,
Tum hi roshan ho ghar ke jaalon mein,

Saanwli shaam ki tarah hai woh,
Woh na goron mein hai na kaalon mein,

Kya usey yaad aaraha hoon Wasi,
Rang ubhrey hain us ke gaalon mein…

…

Us ne meri Maan ko Ami Jaan kaha to

Wasi Shah Poetry

Pehli baar jab us ne meri maan ko ami jaan kaha to,
Mujh ko yu’n mehsoos hua,
Apna sab kuch chorr ke jese,
Ik lamhe mein,
Mera sab kuch us ne apna maan liya hai,
Mujh ko sab kuch jaan liya hai..

…

Ab mera phone kyon uthao ge tum

Wasi Shah Poetry

Ab mera phone kyon uthao ge tum,
Ab mera tum ko ehtraam nahin,
Ab tumhain mujh se koi kam nahin..

…

Jab Se Peghaam Mila, Jaanan! Tum Aaney Wali Ho..

Wasi Shah Poetry

Jab se yeh peghaam mila hai,
Jaana’n! tum aaney wali ho,
Mausam ne sarey ghar ki tarteeb badal kar rakh daali hai,
Chokhat per ik chaand bhi aa kar beth geya hai,
Keyi sitaare lounge mein kab se pare huye hain,
Kehte hain ke,
Is raste se tum guzro gi,
Nanhe mune gulabon ka kehna hai,
Jitne din tum pass raho ge,
Ghar ke har konay mein aakar woh mehkain ge,

Phoolon ne mil kar sab konay baant liye hain,
Jugnu kab se chat pe, ghar ke,
Har goshay mein chamak rahe hain,
Suraj aur barish bhi kal se saaye’baan per tikkay huye hain,
Dheemey dheemey chehek rahe hain,
Shaam to kab se kayi tarah ke mausam le ker,
Is kamrey mein ruki hui hai, Jis kamrey mein tum thehro ge,
Tum aao ge to yeh shaam hazaron mausam,
Sundar sundar sajji huyi ankhon ko de ker
Kho jayegi,

Phir na kabhi wapis aaye gi,
Is se pehle ke yeh shaam bhi,
Sarey mausam leker mujhko khaali karke kho jaye,
Tum aajao naa’n,
Aabhi jao….

Mere maula teri janat se judaa lagti hai

Wasi Shah Poetry

Mere maula teri janat se judaa lagti hai,
Meri dharti mujhe masoom dua lagti hai..

…

Yeh mera hausla hai tere baghair

Wasi Shah Poetry

Yeh mera hausla hai tere baghair,
Saans leta hoon baat karta hoon..

…

Aadhi raat ke sanatey mein, Kis ne phone kiya hai mujh ko ?

Wasi Shah Poetry

Aadhi raat ke sanatey mein,
Kis ne phone kiya hai mujh ko ?
Jane kis ka phone aya hai,
Phone utha kar yu’n lagta hai,
Us jaanib koi gum’sum, gum’sum, ukhrra ukhrra
dheerey dheerey kaamp raha hai,
Mehki huyi ik khamoshi hai
ghupp khamoshi hai,
lekin is khamoshi mein bhi goonj rahe hain,
Thandi saansain, barish, aansu,
Khamoshi se thak kar us ne saans liya to,
Choorri khanki,
Uff yeh khann khann….
Ik lamhe mein sarey badan mein phail gayi hai,
Tere ilaawa koi nahin hai,
Lekin itne barso’n baad….

…

Koi malaal koi aarzoo nahin karta

Wasi Shah Poetry

Koi malaal koi aarzoo nahin karta,
Tumhare baad yeh dil guftagu nahin karta,

Koi na koi cheez meri toot jati hai,
Tumhari yaad se jab bhi wuzu nahin karta..

…

Phir woh campus ki fiza ho, shaam ho..

Wasi Shah Poetry

Phir woh campus ki fiza ho, shaam ho,
Hath hathon mein tera ho, shaam ho,

Khauf ata hai mujhe us waqt se,
Raasta na mil raha ho, shaam ho,

Kis qadar be’kaif guzre gi woh shaam,
Tu mujhe bhoola hua ho, shaam ho,

Kyon na shiddat se mujhe yaad aye gaao’n,
Sheher ka banjar’pana ho, shaam ho,

Ho rahi ho teri tasveeron se baat,
Tera khat khola hua ho, shaam ho,

Sardiyaan, barish, hawaa, chaaye ka cup,
Woh mujhe yaad aaraha ho, shaam ho,

Dard o gham ki dhund mein liptaa hua,
Qaafila sa chal para ho, shaam ho,

Ya’ilahi aese lamhe se bachaa,
Woh kabhi mujh se khafaa ho, shaam ho,

Ik yehi khawhish na puri ho saki,
Tu kalejey se laga ho, shaam ho..

…

Hum Tere Hijr Mein Andar Se Bikhar Jaatay Hain

Wasi Shah Poetry

Hum Tere Hijr Mein Andar Se Bikhar Jaatay Hain
Zindah Lagtay Hain Magar Asal Mein Mar Jaatay Hain

Jub Kubhi Bolta Hai Hans Ke Kisi Aur Se TU
Kitnay Khanjar Mere Seenay Mein Utar Jaatay Hain

Teri Yaadon Ki “Agar Bat’tiyan” Jal Uthtay Hee
Hum Tere Dard Ki Khushbouon Se Bhar Jaatay Hain

Hum Se Aawaarah Phira Kartay Hain Galyon Mein Kaheen
Shaam Hotay Hee “Wasi” Loog Tou Ghar Jaatay Hain

…

Jaan se maar de mujhe lekin..

Wasi Shah Poetry

Jaan se maar de mujhe lekin,
Chorr jane ka mujh pe zulam na kar..

…

Bohat saal reh liye apne, Ab mere ho ke raho..

Wasi Shah Poetry

Apni haatir jage ho, soye ho,
Apni haatir hanse ho, soye ho,
Kis liye, Aaj khoye khoye ho,

Tum ne aansuu bohat piye apne,
Tum bohat saal reh liye apne,
Ab mere, Sirf mere ho ke raho,

Tum azal se dikhon ke dairey ho,
Chahey khud ko ghamon mein ghairey ho,
Jab se paida huye ho mere ho,

Aaj kholain ge lab siye apne,
Tum bohat saal reh liye apne,
Ab mere sirf mere ho ke raho,

Ab mujhe apne dard sehne do,
Dil ki har baat dil se kehne do,
Meri banhon mein khud ko behne do,

Mudatt’ton zakham khud siye apne,
Tum bohat saal reh liye apne,
Ab mere, Sirf mere ho ke raho,

Hussan hi hussan ho, Zahanat ho,
Aashiq hon mein, Tum to mohabbat ho,
Tum meri , Bas meri amanat ho,

Ji liye, Jis qadar jiye apne,
Tum bohat saal reh liye apne,
Ab mere, Sirf mere ho ke raho,

Rehte ho ranj-o-gham ke ghairon mein,
Dukh ke, asaib ke baseron mein,
Kese choroon tumhain andheron mein,

Tum ko de doon ga sab diye apne,
Tum bohat saal reh liye apne,
Ab mere, Sirf mere ho ke raho..

…

Koi aljabrey ka sawaal ho tum..

Wasi Shah Poetry

Jis ko ik baar cherr dain to phir,
Chain ka aik pal nahin hota,

Koi aljabrey ka sawaal ho tum,
Jo kisi taur hall nahin hota..

…

Teri jabee’n pe likha tha ke tu bhula dega

Wasi Shah Poetry

Teri jabee’n pe likha tha ke tu bhula dega,
So mein bhi bhaamp geya tha ke tu bhula dega,

Har aik shakhs se larta raha mein tere liye,
Har ik ne mujhe se kaha tha ke tu bhula dega,

Yeh teri aankhon pe halqey se parr gaye kaise,
Mujhe to tu ne kaha tha ke tu bhula de ga ,

Nikaal laya hai ilzaam phir puraney tu,
Yeh hum ne tey’y bhi kiya tha ke tu bhula de ga,

Kuch is liye bhi ke ik til tha teri ankhon mein,
Mujhe to tab pata tha ke tu bhula de ga,

…

Gali Main Dard Ke Purzay Talash Karti Thi

Wasi Shah Poetry

Gali Main Dard Ke Purzay Talash Karti Thi
Mere Khatoot Ke Tukray Talaash Karti Thi

Kahan Gayi Wo Kunwari, Udaas Bee Aapa ?
Jo Gaon Gaon Mein Rishtay Talaash Karti Thi

Bhulaye Kon Azyat Pasandiyan Uski
Khushi Ke Dhair Main Sadmay Talaash Karti Thi

Ajeeb Hijr Parasti Thi Uski Fitrat Main
Shajar Ke Toot’tay Pat’tay Talaash Karti Thi

Qayaam Karti Thi Wo Mujh Main Soofiyon Ki Tarhan
Udaas Rooh Ke Goshay Talaash Karti Thi

Tamaam Raat Wo Parday Hata Ke Chand Ke Saath
Jo Kho Gaye Thay Wo Lamhay Talaash Karti Thi

Kuch Is Liye Bhi Mere Ghar Se Us Ko Thi Vehshat
Yahan Bhi Apne Hee Pyaaray Talaash Karti Thi

Ghuma Phira Ke Judai Ki Baat Karti Thi
Hamesha Hijr Ke Harbe Talaash Karti Thi

Tamam Raat Wo Zakhma Ke Apni Pooron Ko
Mere Wajood Ke Raizay Talaash Karti Thi

Duaein Karti Thi Ujrre Huway Mazaron Per
Baray Ajeeb Sahaaray Talaash Karti Thi

Mujhe to Aaj Bataya Hai Baadlon Ne ”Wasi”
Wo Laut Aanay Ke Raastay Talaash Karti Thi

…

Jo bhi deewar hai raste main giraa ke ro lain

Wasi Shah Poetry

Jo bhi deewar hai raste main giraa ke ro lain,
Aao ik doojay ko seene se laga ke ro lain,

Saamne tu hai to hum dil mein bhi ro sakte hain,
Yu’n karain hum tujhe baaton mein laga kar ro lain,

Tere aaney se yeh naraaz raha karte hain,
Jee mein hai aaj har ik gham ko manaa kar ro lain,

…

Main kahin bhi kisi nagar mein raha

Wasi Shah Poetry

Main kahin bhi kisi nagar mein raha,
Tere asaib ke asar mein raha,

Woh bhi paagal hua juda ho kar,
Umar bhar mein phir bhi safar mein raha,

Aik jadugari to thi tujh me,
Mein bhi kuch din tere asar mein raha,

Bheegta doobta raha dil mein,
Tera chehra meri nazar mein raha,

Pesh-kash maan li zamane ne,
Aur ek mein, Agar magar mein raha,

…

Jab koi naik kaam karte hain, Jaane-man tere naam karte hain,

Wasi Shah Poetry

Jab koi naik kaam karte hain,
Jaane man tere naam karte hain,

Tere chehre se dhoop lete hain,
Teri zulfon mein shaam karte hain,

Kis qadar tang hoon mohabbat se,
Log yeh kese kaam karte hain,

Un ki peshaaniyan chamakti hain,
Jo mohabbat ko aam karte hain,

Dil ke dalaa’n mein sajaa kar yaad,
Jashan ka ehtamaam karte hain,

Sochte hain tujhe wuzzu kar ke,
Yu’n tera ehtraam karte hain,

Hum se hi ibtidaa huyi jana’n,
Hum hi ab ehtamaam karte hain..

…

Jis se bandhe thay dono, wo gham nahi rahe hain..

Wasi Shah Poetry

Jis se bandhe thay dono, wo gham nahi rahe hain,
Tum tum nahi rahe ho, hum hum nahi rahe hain,

Chahat ke geet mein hai, koi kami yaqeenan,
Akhir tere mere sur jam nahi rahe hain,

Ro ro ke tere dukh, sehra sa ho gaya hoon,
Ab aankh ke kinaray bhi nam nahin rahe hain,

Lamhon ke pair par hain, kuch phool dard-e-gham ke,
Jeewan mein ab khushi ke mausam nahi rahe hain,

Tu aur simt mein hai, mein aur simt mein hoon,
Ulfat ke raastay ab baham nahi rahe hhain,

Fikr-e-muaash ne tu jazbon ko rond dala,
Aashiq wagarna hum bhi kuch kam nahi rahe hain,

Raahon mein ab kharha hoon, phelaae haath khali,
Gham thay mera asasa aur gham nahi rahe hain,

Tum hi the meri dunya, tum hi meri muhabbat,
Tum jo nahi tu dono aalam nahi rahe hain..

44444444444444444