Noshi Gilani Poetry

Ye Naam Mumkin Nahi Rahay Ga, Muqaam Mumkin Nahi Rahay Ga

Noshi Gilani Poetry

Ye Naam Mumkin Nahi Rahay Ga, Muqaam Mumkin Nahi Rahay Ga
Gharoor Lehjay Mein Aa Gaya Tou Kalaam Mumkin Nahi Rahay Ga

Ye Barf Mausam Jo Sheher-e-Jaa.n Mein Kuch Aur Lamhay Theher Gaya Tou
Lahoo Ka Dil Ki Kisi Gali Mein Muqaam Mumkin Nahi Rahay Ga

Tum Apni Saanson Se Meri Saansain Alag Tou Karnay Lagay Ho Laikin
Jo Kaam Aasaan Samajh Rahay Ho Wo Kaam Mumkin Nahi Rahay Ga

Wafaa Ka Kaaghaz Tou Bheeg Jaye Ga Badgumaani Ki Baarishon Mein
Khaton Ki Baatain Tou Khwaab Hon Gi Payaam Mumkin Nahi Rahay Ga

Mein Jaanti Hun Mujhe Yaqeen Hai Agar Kabhi TU Mujhe Bhula De
Tou Teri Aanhkon Mein Roshni Ka Qayaam Mumkin Nahi Rahay Ga

Ye Ham Mohabbat Mein La Ta’alluq Se Ho Rahay Hain Tou Dekh Laina
Duaaein Tou Khair Kon De Ga Salaam Mumkin Nahi Rahay Ga

…

Bohat Aaraam Karna Chahti Hun

Noshi Gilani Poetry

Bohat Aaraam Karna Chahti Hun
Yehi Ek Kaam Karna Chahti Hun

Shaoor-e-Aagahi Ek Almiaa Hai
Ise Neelaam Karna Chahti Hun

Mein Apni Umer Ke Saaray Asaasay
Tumhaaray Naam Karna Chahti Hun

Tumharay Khaima-e-Khushbuu Mein Reh Kar
Mein Subaah-o-Shaam Karna Chahti Hun

Charaaghon Se Hawaa Ki Dushmani Hai
Ise Naakaam Karna Chahti Hun

…

Yeh hum hi jantey hain judaai ke morr par..

Noshi Gilani Poetry

Yeh hum hi jantey hain judaai ke morr par,
Iss dil ka jo bhi haal tujhe dekh kar hua..

…

Shaam Ko Sogwaar Kartay Rahay

Noshi Gilani Poetry

Shaam Ko Sogwaar Kartay Rahay
Ham Tera Intezaar Kartay Rahay

TU Tou Kaar-e-Jahan Mein Tha Masroof
Aur Hum Tujh Se Pyaar Kartay Rahay

Kis Lye Vasl Ki Kahani Mein
Hijr Ko Hissaydaar Kartay Rahay

Dil Ko Bas Mubtala-e-Gham Rakha
Wehshaton Ka Shumaar Kartay Rahay

…

Ek Shab-e-Mehtaab Se Bhaagtay Phirtay Hain

Noshi Gilani Poetry

Ek Shab-e-Mehtaab Se Bhaagtay Phirtay Hain
Ham Kiun Apnay Aap Se Bhaagtay Phirtay Hain

Pyaas Ki Shiddat Honton Ki Taqdeer Howi
Aur Ham Qatraa-e-Aab Se Bhaagtay Phirtay Hain

Shaam Dhalay Saari Choupaalain Sajti Hain
Ham Apnay Ehbaab Se Bhaagtay Phirtay Hain

Khushbuu Ki Tehreer Badan Per Likhi Hai
Aur Safaid Gulaab Se Bhaagtay Phirtay Hain

Ik Kitaab Lye Phirtay Hain Haathon Mein
Aur Zar-o-Asbaab Se Bhaagtay Phirtay Hain

Unhain Kisi Taabeer Ki Khwaahish Kia Hogi ?
Loog Jo Arsaa-e-Khwaab Se Bhaagtay Phirtay Hain

Aankhon Mein Be-Taab Samandar Hai Phir Bhi
Jaanay Kis Gardaab Se Bhaagtay Phirtay Hain

…

Meri Aankhon Ko Soojhta Hee Nahi

Noshi Gilani Poetry

Meri Aankhon Ko Soojhta Hee Nahi
Ya Muqaddar Mein Raasta Hee Nahi

Wo Bharay Sheher Mein Kisi Se Bhi
Mere Baaray Mein Poochta Hee Nahi

Phir Wohi Shaam Hai Wohi Ham Hain
Haan Magar Dil Mein Honsla Hee Nahi

Ham Chalay Os Ki Bazm Se Uth Kar
Aur Wo Hai Ke Rokta Hee Nahi

Dil Jo Ek Dost Tha Magar Wo Bhi
Chup Ka Pathar Hai Bolta Hee Nahi

Mein Tou Os Ki Talaash Mein Guum Hun
Wo Kubhi Mujh Ko Dhoondta Hee Nahi

…

Jaanay Kaisay Sambhaal Kar Rakhay

Noshi Gilani Poetry

Jaanay Kaisay Sambhaal Kar Rakhay
Sab Iraaday Sambhaal Kar Rakhay

Kuch Naye Rang Hain Mohabbat Ke
Kuch Puraanay Sambhaal Kar Rakhay

Mausam-e-Ishq Teri Baarish Mein
Khat Jo Bheegay Sambhaal Kar Rakhay

Jin Ki Khushbu Udaas Karti Thi
Wo Bhi Gajray Sambhaal Kar Rakhay

Tujh Se Milnay Ke Aur Bichadnay Ke
Saaray Khadshay Sambhaal Kar Rakhay

Jab Hawaa Ka Mizaaj Barham Tha
Ham Ne Pat’tay Sambhaal Kar Rakhay

Aarzoo Ke Haseen Pinjray Mein
Kuch Parinday Sambhaal Kar Rakhay

Ham Ne Dil Ki Kitaab Mein Tere
Saaray Waaday Sambhaal Kar Rakhay

Tere Dukh Ke Tamaam Hee Mausam
Ay Zamaanay Sambhaal Kar Rakhay

Mere Khwaabon Ko Raakh Kar Daala
Aur Apnay Sambhaal Kar Rakhay

…

Umer Raaigaa.n Kardi Tab Ye Baat Maani Hai

Noshi Gilani Poetry

Umer Raaigaa.n Kardi Tab Ye Baat Maani Hai
Mout Aur Mohabbat Ki Ek Hee Kahani Hai

Khail Jo Bhi Tha Jaana.n Ab Hisaab Kia Karna
Jeet Jis Kisi Ho Ham Ne Haar Maani Hai

Vasl Per Bhee Naadim Thay Hijr Per Bhi Sharmindah
Wo Bhi Raaigaani Thi Ye Bhi Raaigaani Hai

Ye Mera Hunar Teri Khusbuoun Se Waabasta
Mere Saaray Lafzon Per Teri Hukmarani Hai

Jaanay Kon Shehzaadah Kab Chura Ke Le Jaaye
Wo Jo Apne Aangan Mein Khusbuoun Ki Rani Hai

…

Khauf Ki Shab Mein Hont Seenay Se

Noshi Gilani Poetry

Khauf Ki Shab Mein Hont Seenay Se
Marna Behtar Hai Aisay Jeenay Se

Kuch Tou Qaayim Rahay Anaa Ka Bharam
Dekhna Hai Ose Qareenay Se

Yun Tamasha Tou Osko Hona Tha
Jo Ghiri Aarzoo Ke Zeenay Se

Kuch Hawaaon Ka Aitbaar Nahi
Warna Kia Khauf Os Safeenay Se

Dil Ka Ab Talkhion Se Naata Hai
Lutf Laita Hai Zeher Peenay Se

…

Lahoo Tak Aankh Se Ab Beh Lia Hai

Noshi Gilani Poetry

Lahoo Tak Aankh Se Ab Beh Lia Hai
Bohat Tha Jabar Laikin Seh Lia Hai

Azaab-e-Hijr Ab Waapas Palat Jaa
Bohat Din Saath Mere Reh Lia

Nami Aankhon Se Jaati Hee Nahi Hai
Sitam Is Dil Ne Itna Seh Lia Hai

Tujhe Kehna Tha Jo Ehwaal Dil Ka
Dar-o-Deewaar Se Hee Keh Lia Hai

…

Hai Mohabbat Azaab, Barbaadi

Noshi Gilani Poetry

Hai Mohabbat Azaab, Barbaadi
Dil Ko Ye Baat Kis Ne Samjha Di ?

Be-Wafai Ne Khaak Kar Daali
Chaahaton Ki Hari Bhari Daali

Ik Shab Vasl Ki Guzaarish Thi
Os Ne Tasveer Apni Bhijvadi

Tere Gham Ki Jazeerah-e-Dil Mein
Phailti Jaa Rahi Hai Aabaadi

Kis Qadar Baanjh Hoti Jaati Hai
Takht-e-Ikhlaas Teri Shehzaadi

Waqt Zaalim Tha Meri Har Khwaahish
Os Ne Deewaar-e-Gham Mein Chunwa Di

…

Kaisay Aaye Ga Tere Khad-o-Khaal Ka Mausam

Noshi Gilani Poetry

Kaisay Aaye Ga Tere Khad-o-Khaal Ka Mausam ?
Qismaton Mein Jab Likha Hai Zawaal Ka Mausam

Kis Ne Khail Khaila Hai Kis Ne Hijr Jhaila Hai
Ab Guzar Gaya Jaanan Is Sawaal Ka Mausam

Kis Tarah Se Mumkin Tha Ik Shaakh Per Khiltay
Mein Ke Hijr Ka Lamha, TU Visaal Ka Mausam

Dil Ke Ab Tou Sehra Hai Aur Aisay Sehra Mein
Jaanay Kab Talak Thehre Ab Malaal Ka Mausam

Aaj Tak Bhi Thehra Hai Dil Ki Rehguzaaron Per
Tere Lams Ka, Tere Khad-o-Khaal Ka Mausam

Hum Kubhi Tou Dekhain Ge Wehshaton Ke Sehra Mein
Ay Khuda Mohabbat Ke Aitedaal Ka Mausam

…

Zamaney walon se chup ke roney ke din nahin hain..

Noshi Gilani Poetry

Zamaney walon se chup ke roney ke din nahin hain,
Usey kehna yeh udaas honey ke din nahin hain,

Main jaan sakti hoon vasl mein asal bhaid kya hai,
Magar haqeeqat shanaas honey ke din nahin hain,

Hamara khud se makaalma* bhi neya neya hai,
Kisi badamn ka libaas honey ke din nahin hain,

Abhi to aankhon mein aanusyon ki nami hai baqi,
Zameen-e-dil par pyaas boney ke din nahin hain..

(makaalma;conversation)

…

Aalim-e-mohabbat mein, Ik kamaal wehshat mein..

Noshi Gilani Poetry

Aalim-e-mohabbat mein,
Ik kamaal wehshat mein,
Be-sabab rafaaqat ka,
Dukh uthaana parta hai,
Titliyaan pakarney ko,
Door jana parta hai..

…

Shab-e-wehshat ki aadat ho gayi hai..

Noshi Gilani Poetry

Shab-e-wehshat ki aadat ho gayi hai,
Mujhe tum se mohabbat ho gayi hai,

Kisi ka lamss hai jis ke hunnar se,
Mukammal sab ibaadat ho gayi hai,

Koi din ke liye deewangi bhi,
Mere dil ko ghaneemat ho gayi hai,

Bohat behaal rehte they magar ab,
Humain hijrat ki aadat ho gayi hai,

Gulaab asaar rastey muntazir hai,
Ke mausam ki inaayat ho gayi hai,

Zameen se aasman tak roshni hai,
Meherbaan hum pe fitrat* ho gayi hai..

(fitrat;nature)

Raaston Mein Rahay Na Ghar Mein Rahay

Noshi Gilani Poetry

Raaston Mein Rahay Na Ghar Mein Rahay
Umer Bhar Haalat-e-Safar Mein Rahay

Lafz Saaray Charaagh Ban Jayein
Vasf Aisa Mere Hunar Mein Rahay

Zeher Saara Shajar Mein Aa Jaye
Ay Khuda Zindagi Samar Mein Rahay

Is Lye Gardishon Ko Paala Hai
Koi Tou Halqa-e-Asar Mein Rahay

Ek Zamaana Gharon Mein Tha Aabaad
Be-Ghar Ham Teri Nazron Mein Rahay

…

Tujh se ab aur mohabbat nahin ki ja sakti..

Noshi Gilani Poetry

Tujh se ab aur mohabbat nahin ki ja sakti,
Khud ko itni bhi aziyat nahin di ja sakti,

Jaantey hain ke yaqeen toot raha hai dil par,
Phir bhi ab tarq yeh wehshat ki nahin ja sakti,

Habss ka sheher hai aur is mein kisi bhi surat,
Saans lene ki sahulat nahin di ja sakti,

Roshni ke liye darwaaza khula rakhna hai,
Shab se ab koi ijaazat nahin li ja sakti,

Ishq ne hijar ka azaar to de rakha hai,
Is se barrh kar to reyaayet nahin di ja sakti..

…

Tumhara akss meri saari kayenaat mein tha..

Noshi Gilani Poetry

Kahbi yeh chup main kabhi meri baat baat main tha,
Tumhara akss meri saari kayenaat mein tha,

Hum ehl-e-ishq bohat bd’gumaan hote hain,
Isi tarah ka koi vasf* teri zaat mein tha..

(vasf;ability)

…

Hamaray Bas Mein Agar Apne Faislay Hotay

Noshi Gilani Poetry

Hamaray Bas Mein Agar Apne Faislay Hotay
Tou Hum Kubhi Ke Gharon Ko Palat Gaye Hotay

Qareeb Reh Ke Sulaghnay Se Kitna Behtar Tha
Kisi Muqaam Per Hum Tum Bicharr Gaye Hotay

Kubhi Toryat Ko Ham Muthion Mein Bhar Letay
Kubhi Hawaaon Se Apne Mukaalmay Hotay

Hamaray Naam Pe Koi Charaagh Tou Jalta
Kisi Zabaan Pe Hamaray Bhi Tazkaray Hotay

Ham Apna Koi Alag Raasta Bana Letay
Hamaray Dil Ne Agar Hoslay Kye Hotay

…

Tujh se judaa hona zaroori ho geya hai..

Noshi Gilani Poetry

Mohabbat se rihaa hona zaroori ho geya hai,
Mera tujh se judaa hona zaroori ho geya hai,

Wafaa ke tajarbey karte huye to umar guzri,
Zara sa bewafa hona zaroori ho geya hai,

Meri awaaz tanhaai main marti ja rahi hai,
Kisi ka ham’nawaa hona zaroori ho geya hai,

Azaab zulmat-e-shab hai ke ab dil ke labon par,
Koi harf-e-duaa hona zaroori ho geya hai..

…

Khayaal-o-Khwaab Ke Manzar Sajaana Chahta Hai

Noshi Gilani Poetry

Khayaal-o-Khwaab Ke Manzar Sajaana Chahta Hai
Ye Dil Jeenay Ka Ik Taaza Bahana Chahta Hai

Roshnion Ke Saaray Manzar Jhootay Lagtay Hain
Laikin Oski aankh Ke aansuu Sachay Lagtay Hain

Ik Chaadar Sakhan Hee Bacha Kar Nikal Chalain
Rasta Milay Tou Sheher Se Baahir Nikal Chalain

Marqad-e-Ishq Pe ab aur Na Roya Jaaye
Raat Ka Pichla Peher Hai Chalo Soya Jaaye

…

KaheeN KartAy Nahi izhaaR, ChuP Hain

Noshi Gilani Poetry

KaheeN KartAy Nahi izhaaR, ChuP Hain
HamaiN Tou HukaM Hay Sarkar, ChuP Hain
.
Kahani Kuch BatanA Chahti Hay
Magar Is K Sabhi KirdAAr ChUp Hain
.
BohAt Hay BarisH-e-SunG-e-Malamet
Magar Hum Surat-e-KuhSaaR , Chup Hain
.
Abhi Tak Hay, BuhAt MehfOoz QatiL
K maQtal Kay Der-o-DewaaR ChuP Hain
.
Pata Rahzun Ka KhalQat Pochti Hay
Magar Basti Kay Pahray’Daar Chup Hain
.
Wohi Musam, Wohi ZanjEEr-e-ShaB Hay
Magar Ye Log Kyon Is Baar ChuP Hain ??

…

Aankhain Bhi Wohi Hain Tou Dareecha Bhi Wohi Hai

Noshi Gilani Poetry

Aankhain Bhi Wohi Hain Tou Dareecha Bhi Wohi Hai
Aur Soch Ke Aangan Mein Utarta Bhi Wohi Hai

Jis Ne Mere Jazbon Ki Sadaaqat Ko Na Jaana
Ab Meri Rafaaqat Ko Tarasta Bhi Wohi Hai

Is Dil Ke Kharaabay Se Guzar Kis Ka Howa Hai ?
Aankhain Bhi Wohi, Hont Bhi, Lehja Bhi Wohi Hai

Jo Kuch Bhi Kaha Tha Meri Tanhaayi Ne Tujh Se
Is Sheher Ki Deewar Pe Likha Bhi Wohi Hai

Wo Jis Ne Dye Mujhko Mohabbat Ke Khazaanay
Baadal Ki Tarah Aankh Se Barsaa Bhi Wohi Hai

…

Ye Umar Bhar Ka Safar aur Ye Raaigaani Teri

Noshi Gilani Poetry

Ye Umar Bhar Ka Safar aur Ye Raaigaani Teri
Kahan Gayi Ay Mere Dil Wo Khush Gumaani Teri ?

Yahan Pe Kon Andheron Mein Saath Chalta Hai ?
TU Ab Bhee Saath Mere Hai Ye Meherbaani Teri

Tujhe Khabar Nahee Hum Dekh Kar Bohat Roye
Nayi Kitaab Mein Tasweer Ik Puraani Teri

Abhe Se aablay Parnay Lagay Hain Paon Mein
Abhe Tou Door Hai Manzil Safar Kahaani Teri

Bhulaaye Baithay Hain aur Apnay Haal Mein Khush Hain
TU aake Dekh Ke Kubhi Hum Ne Baat Maani Teri

…

Safar Malaal Ka Hai Aur Chal Rahi Huun Mei

Noshi Gilani Poetry

Safar Malaal Ka Hai Aur Chal Rahi Huun Mei
Ghubaar-e-Shab Ki Udasi Mei Dhal Rahi Huun Mei

Ajeeb Barf Ki Barish Badan Pe Utri Hei
Ke Jis Ki Aag Mei Chup Chaap Jal Rahi Huun Mei

Phir Ik Charaagh Jala Shaam Ki Haveli Mein
Phir Ik Dard Se Aakhir Sambhal Rahi Huun Mei

Ye Rakh Rakhaao Usay Jaanay Naheen De Ga
Ke Apne Aap Mei Kaisay Pighal Rahi Huun Mei

Ye Ishq Sach Se Juda Kaisay Ho Gaya Jaana?
Ab Is Sawaal Se Bahar Nikal Rahi Huun Mei

Bas Ik Ishq Meri Zaat Per Saheefa Ho
Mere Khuda! Ye Aqeeda Badal Rahi Huun Mei..!!

…

Kuchi Bhi Kar Guzarnay Mein Dair Kitni Lagti Hai

Noshi Gilani Poetry

Kuchi Bhi Kar Guzarnay Mein Dair Kitni Lagti Hai ?
Barf Ke Pighalnay Mein Dair Kitni Lagti Hai ?

Os Ne Hans Kar Dekha Tou Muskura Dye Ham Bhee
Zaat Se Nikalnay Mein Dair Kitni Lagti Hai ?

Hijr Ki Tamaazat Se Wasl Ke Alao Tak
Larkion Ke Jalnay Mein Dair Kitni Lagti Hai ?

Baat Jaisi Be-Maainay Baat Aur Kia Hogi ?
Baat Ke Mukarnay Mein Dair Kitni Lagti Hai ?

Zaim Kitna Kartay Ho Ik Charaagh Per Apnay ?
Aur Hawa Ke Chalnay Mein Dair Kitni Lagti Hai ?

Jab Yaqeen Ki Baanhon Per Shak Ke Paaon Par Jaayein
Choorian Bikharnay Mein Dair Kitni Lagti Hai ?

…

Dard Ki Ley Maddham Tou Ho

Noshi Gilani Poetry

Dard Ki Ley Maddham Tou Ho
Dhund Kaheen Per Kam Tou Ho

But-Saazi Hum Jaan Gaye Hain
Laikin Mitti Nam Tou Ho

Umer Ka Saath Kahan Maanga Tha ?
Phir Bhee Chaar Qadam Tou Ho

Shaam Ka Raqs Bhee Ho Jaye Ga
Dhoop Ki Shiddat Kam Tou Ho

Mehfil-e-Shab Bhee Saj Jaaye Gi
Koi Shareek-e-Gham Tou Ho

Jaan Pe Ham Bhee Seh Letay
Laikin Ik Sitam Tou Ho ?

…

Bila Jawaaz Rakhain Khud Ko Beqaraar Bhee Kiun ?

Noshi Gilani Poetry

Bila Jawaaz Rakhain Khud Ko Beqaraar Bhee Kiun ?
Jo TU Nahee Hai Tou Phir Tera Intezaar Bhee Kiun ?

Akailay Pan Ka Safar Jab Mera Muqaddar Hai
Tou Phir Ay Waada-Shikan Tera Intezaar Bee Kiun ?

Ose Ganwa Ke Ab Raho Khizaaon Ki Zad Mein
Jo Wo Nahee Hai Tou Phir Mausam-e-Bahaar Bhee Kiun ?

Agar Bhulaaye Howay Osko Ek Umar Howi
Tou Phir Ye Aaj Tabyat Hai Sogwaar Bhee Kiun ?

Jab Osko Shoq Tha Raston Ki Dhool Honay Ka
Palat Kar Dekhta Jaata Tha Baar Baar Bhee Kiun ?

…

Mout Se Mukar Jaayein, Zindagi Se Dar Jaayein..

Noshi Gilani Poetry

Mout Se Mukar Jaayein
Zindagi Se Dar Jaayein

Hijr Ke Samandar Ko
Aao Paar Kar Jaayein

Raastay Ye Kehtay Hain
Ab Tou Apnay Ghar Jaayein

Ik Zara Si Mohlat Ho
Dil Ki Baat Kar Jaayein

Sheher-e-Ishq Mein Aakhir
Kaisay Mautbar Ho Jaayein ?

Wo Palat Ke Dekhay Tou
Rung Se Bikhar Jaayein

…

Har Zarra-e-Umeed Se Khushbuu Nikal Aaye

Noshi Gilani Poetry

Har Zarra-e-Umeed Se Khushbuu Nikal Aaye
Tanhaayi Ke Sehra Mein Agar TU Nikal Aaye

Kaisa Lagay Is Baar Agar Mausam-e-Gul Mein
Titli Ka Badan Oorh Kar Jugnuu Nikal Aaye

Phir Din Teri Yaadon Ki Mundairon Pe Guzra
Phir Shaam Howi Aankh Se Aansoo Nikal Aaye

Be-Chain Kye Rehta Hai Dharka Yehi Ji Ko
Tujh Mein Na Zamanay Ki Koi Khu Nikal Aaye

Phir Dil Ne Kya Tark-e-Talluq Ka Iraada
Phir Tujh Se Mulaqaat Ke Pehluu Nikal Aaye

Mohabbat Ki Aseeri Se Rihaayi Maangtay Rehna

Noshi Gilani Poetry

Mohabbat Ki Aseeri Se Rihaayi Maangtay Rehna
Bohat Aasaan Nahi Hota Judaai Maangtay Rehna

Zara Sa Ishq Karlaina, Zara Si Aankh Bhar Laina
Iwaz Iske Magar Saari Khudaai Maangtay Rehna

Kubhi Mehroom Honton Per Dua Ka Harf Rakh Dena
Kubhi Wehshat Mein Oski Naarsaayi Maangtay Rehna

Wafaaon Ke Tasalsul Se Mohabbat Rooth Jaati Hai
Dil Ki Sakoot-e-Shaam-e-Gham Se Humnawaayi Maangtay Rehna

Kubhi Bachay Ke Nannay Haath Per Titli Ke Par Rakhna
Kubhi Phir Oske Rangon Se Rihaayi Maangtay Rehna

…

Yehi Nahi Ke Toofan Meri Talaash Mein Hai

Noshi Gilani Poetry

Yehi Nahi Ke Toofan Meri Talaash Mein Hai
Ke Mausam-e-Gham-e-Jaanan Meri Talaash Mein Hai

Visaal Rut Hai Magar Dil Ko Aisa Lagta Hai
Sitaarah-e-Shab-e-Hijraan Meri Talaash Mein Hai

Mein Faislay Ki Ghari Se Guzar Chali Hun
Kisi Ki Deeda-e-Hairaan Meri Talaash Mein Hai

Ye Be-Yaqeen Si Aasoodgi Batati Hai
Ke Ik Qirya-e-Veeran Meri Talaash Mein Hai

Mein Teergi Mein Mohabbat Ki Ik Kahani Hun
Koi Charaagh Sa Unwaan Meri Talaash Mein Hai

Ye Kaisa Khwaab Tha Dharka Sa Lag Gaya Dil Ko
Ke Ik Shaks Pareshaan Meri Talaash Mein Hai

…

Yeh kesa khauf tha rakht-e-safar bhi bhool gaye

Noshi Gilani Poetry

Yeh kesa khauf tha rakht-e-safar bhi bhool gaye
Vo kaun log thay jo apnay ghar bhi bhool gaye ?

Yeh kesi quvvat-e-parvaaz darr ne paida ki
Parinday urrtay huay apnay parr bhi bhool gaye

Dukhon ne cheen lee aankhon ki saari beenaayee
Hum us ka sheher to kiya, rahguzar bhi bhool gaye

Khayaal tha ke sunaayen ge haal-e-dil lekin
Hum us ke saamnay Arz-e-hunar bhi bhool gaye

Juda huay to khula hai tumhaari basti mein
Hum aik dil he nahin, chashm-e-tarr bhi bhool gaye

…

Hijr Ki Shab Mein Qaid Karay Ya Subha Visaal Mein Rakhay

Noshi Gilani Poetry

Hijr Ki Shab Mein Qaid Karay Ya Subha Visaal Mein Rakhay
Acha Mola ! Teri Marzi Tu Jis Haal Mein Rakhay

Khail Ye Kaisa Khail Rahee Hai Dil Se Teri Mohabbat
Ik Pal Sarshaari De aur DinoN Malaal Mein Rakhay

Mein Ne Saari Khushbooain aanchal Se Baandh Ke Rakheen
Shaayad In Ka Zikr TU apnay Ksi Sawaal Mein Rakhay

Ksi Se Tere aanay Ki Sargoshi Ko Suntay Hee
Mein Ne Kitnay Phool Chunay aur apni Shaal Mein Rakhay

Mushkil Bun Kar Toot Padi Hai Dil Per Ye Tanhai
aB Jaanay Ye Kub Tak Isko apnay Jaal Mein Rakhay

…

Rukta Bhi Nahi Theek Se Chalta Bhi Nahi Hai

Noshi Gilani Poetry

Rukta Bhi Nahi Theek Se Chalta Bhi Nahi Hai
Ye Dil Ke Tere Baad Sambhalta Bhi Nahi Hai

Ye Sheher Kisi Aina Kirdaar Badan Par
ilzam Lagate Howe Darta Bhi Nahi Hai

Ik Umar Se Hum Is Ki Tamanna Mai Hain Be-Khwaab
Wo Chaand Jo Aangan Main Utrta Bhi Nahi Hai

Phir Dil Mein Teri Yaad Ke Manzar Hain Firozaan
Aisay Mein Koi Dekhnay Waala Bhi Nahi Hai

Is Umar Ke Sehra Main Teri Yaad Ka Baadal
Talta Bhi Nahi Aur Barasta Bhi Nahi Hai

Hamraah Bhi khwaahish Se Nahi Rehta Hamare
Aur Baam-e-Rafaaqat Se Utarta Bhi Nahi Hai…..!

…

Hisaar-e-Lafz-o-Bayaan Mein Gum Hun

Noshi Gilani Poetry

Hisaar-e-Lafz-o-Bayaan Mein Gum Hun
Abhi Teri Daastan Mein Gum Hun

Mein Dekh Sakti Hun Doston Ko
Magar Saf-e-Dushmanaan Mein Gum Hun

Badan Ka aPna azaab Hai aur
Isi Azaab-e-Ziaan Mein Gum Hun

Ye Loog Ghar Keh Rahay Hain Jisko
Mein aisay Makaan Mein Gum Hun

Kahan Wo Lazzat Musaafaton Ki ?
Mein Manzilon Ke Nishaan mein Gum Hun

Khabar Nahi Mauj-e-Dast-e-Jaan Ki
Hawaa Hun aur Baadbaan Mein Gum Hun

Abhi Kahan Fursat-e-Mohabbat ?
Abhi Mein Kaar-e-Jahaan Mein Gum Hun

(Hisaar:Surrounded)(Dushmanaan:Enemies)(Badan:Body)(Lazzat:Taste)

…

Ye Dil Bhulaata Nahe Hai Mohabbatain Oski

Noshi Gilani Poetry

Ye Dil Bhulaata Nahe Hai Mohabbatain Uski
Padi Howi Theen Mujhe Kitni Aadatain Uski

Ye Mera Saara Safar Oski Khushbuu Mein Kata
Mujhe Tou Raah Dikhaati Theen Chaahatain Uski

Ghiri Howi Hun Mein Chehron Ki Bheer Mein Laikin
Kaheen Nazar Nahee Aati Shabaahatain Uski

Mein Dard Se Ronay Lagi Hun Tou Aisa Lagta Hai
Ke Chhaon Jaisi Theen Mujh Par Rafaqatain Uski

Ye Kis Gali Mein Ye Kis Sheher Mein Nikal Aaye
Kahan Pe Reh Gayein Loogon Sadaaqatain Uski?

Mein Baarishon Mein Juda Ho Gayi Hun Os Se Magar
Ye Mera Dil, Meri Saansain Amaanatain Uski

…