Jon Elia Poetry

Kon is ghar ki dekh bhaal kare..

Jon Elia Poetry

Kon is ghar ki dekh bhaal kare,
Roz ik cheez toot jaati hai..

…

Kaisa dil aur uske kya gham jee..

Jon Elia Poetry

Kaisa dil aur uske kya gham jee,
Yu’n hee baatain banaatey hain, hum jee,

Kya bhalaa aasteen aur daaman,
Kab se palkein bhi ab nahi nam jee,

Ussey ab koi baat kya kerna,
Khud se bhi baat kije kam-kam jee,

Dil jo dil kya tha, ek mehfil tha,
Ab hai darham jee aur barham jee,

Baat be-tour ho gayi shayad,
Zakhm bhi ab nahi hai, marham jee,

Haar duniya se maan le shayad,
Dil, hamaare mein ab nahi, dam jee,

Hai yeh hasrat ke zibah ho jaun,
Hai shikan is shikam ki zaalam jee,

Kaise aakhir na rang khele’n hum,
Dil lahoo ho raha hai, jaanam jee,

Hai kharaaba yeh husniya apna,
Roz majlis hai aur maatam jee,

Waqt dam bhar ka khel hai usme,
Besh az besh hai, kam az kam jee,

Hai azal se abad talak ka hisaab,
Aur bus ek pal hai peham jee,

Be-shikan ho gayi hai woh zulfein,
Is gali mein nahi rahe kham jee,

Dasht-e-dil ka ghazaal hee na raha,
Ab bhalaa kis se kijiye ram jee…

…

Kaafi hai ke hum dushman nahin hain..

Jon Elia Poetry

Yeh kaafi hai ke hum dushman nahin hain,
Wafaadari ka daava* kyon karain hum..

(daava;claim)

…

Mujh Ko Begaana Kar Gaye Mere Din

Jon Elia Poetry

Mujh Ko Begaana Kar Gaye Mere Din
Mujh Se Ho Kar Guzar Gaye Mere Din

Ab Na Koi Din Mere Ghar Jaye Ga
Jaanay Kis Ke Ghar Gaye Mere Din

Ab Nahi Hain Mere Koi Din Raat
Ke Mujh Hee Ko Basar Gaye Mere Din

Saari Raatain Gayin Meri Be-Haal
Mere Din ! Be-Asar Gaye Mere Din

Khosha Ab Intezaar Hai Na Umeed
Yaar Yaaran ! Sudhar Gaye Ab Din

Ab Mein Bas Reh Gaya Hun Raaton Mein
Mar Gaye “Jhon” ! Mar Gaye Mere Din

…

Tujh se gilay karoon tujhe janaa’n manaaon main..

Jon Elia Poetry

Tujh se gilay karoon tujhe janaa’n manaaon main,
Ik bar apne aap mein aaon to aaon main,

Dil se sitam ki be’saro kaari hawaa ko hai,
Woh gard urraa rahi hai ke khud ko ganwaaon main,

Naadim hoon woh ke jis pe nadaamat bhi ab nahin,
Woh kaam hain ke apni judai kamaaon main,

Kyon’kar ho apne khawab ki aankhon mein wapsi,
Kis taur apne dil ke zamamon mein jaaon main,

Ik rang si kamaa’n ho khushbu sa ik teer,
Marham si ik wardaat ho aur zakham khaon main,

Shikwa sa aik dareecha ho, nasha sa ik sakoot,
Ho shaam aik sharab si aur larr’khraon main,

Phir is gali se apna guzar chahta hai dil,
Ab is gali ko kaunsi basti se laaon main..

…

Jab muqaabil hon ishq aur daulat

Jon Elia Poetry

Kaun sood-o-ziyaa’n ki duniya mein,
Dard-e-ghurbat ka sath deta hai,
Jab muqaabil hon ishq aur daulat,
Husnn daulat ka saath deta hai..

(sood-o-ziyaan;profit)

…

Teri Yaadon Ke Raastay Ki Taraf

Jon Elia Poetry

Teri Yaadon Ke Raastay Ki Taraf
Ik Qadam Bhee Nahee Barhuun Ga Mein

Dil Tadapta Hai Tere Khat Parh Kar
Ab Tere Khat Nahee Parhuun Ga Mein

…

Yun to apne qasidaan-e-dil ke paas

Jon Elia Poetry

Yun to apne qasidaan-e-dil ke paas,
Jane kis kis ke liye peghaam hain,
Jo likhe jaate rahe aur’on ke naam,
Mere woh khat bhi tumhare naam hain..

…

Nashaa-e-Naaz Ne Be-Haal Kia Hai Tum Ko

Jon Elia Poetry

Nashaa-e-Naaz Ne Be-Haal Kia Hai Tum Ko
Apne Hee Zor Mein Kamzor Hoi Jaati Ho

Mein Koi Aag Nahee, Aach Nahee, Dhoop Nahee
Kiun Paseenay Mein Sharaabor Hoi Jaati Ho ?

…

Zakham-e Umeed Bhar Gaya Kab Ka

Jon Elia Poetry

Zakham-e Umeed Bhar Gaya Kab Ka,
Qais Tou Apne Ghar Gaya Kab Ka.

Ab Tou Mu Apna Mat Dikhaao Mujhe,
Naa-siho Main Sudhar Gaya Kab Ka.

Aap Ab Poochne Ko Aaye Hain,
Dil Meri Jaan Mar Gaya Kab Ka.

Aap Ik Aur Neend Le Lijiye,
Kaafila Kooch Kar Gaya Kab Ka.

Mera Fehrist Se Nikaal Do Naam,
Main Tou Khud Se Mukar Gaya Kab Ka.

…

Nazar heraan, dil veeran, mera jee nahin lagta..

Jon Elia Poetry

Nazar heraan, dil veeran, mera jee nahin lagta,
Bichar ke tum se meri jaan, mera jee nahin lagta,

Koi bhi to nahin hai jo, pukare raah main mujh ko,
Hoon mein be-naam ik insaan, mera jee nahin lagta,

Hai aik inbwa qadmon ka rawaa’n in shahrahon per,
Nahin meri koi pehchaan, mera jee nahin lagta,

Jahan milte they hum tum aur jahan mil kar bicharte they,
Na woh dar hai, na woh dalaa’n, mera jee nahin lagta,

Hon pehchane huye chehre to jee ko aas rehti hai,
Hon chehre hijar ke anjaan, mera jee nahin lagta,

Yeh saara sheher ik dasht-e-hajoom be-niazi hai,
Yahan ka shor hai veeraan, mera jee nahin lagta,

Woh aalam hai ke jese mein koi hum’naam hoon apna,
Na hir’maan hai na woh darmaan, mera jee nahin lagta,

Kahin sar hai kahin sauda, kahin wehshat kahin sehra,
Kahin main hoon, kahin samaan, mera jee nahin lagta,

Mere hi sheher mein, mere mohahalley mein, mere ghar mein,
Bula lo tum mehmaan, mera jee nahin lagta

Main tum ko bhool jaon, bhoolne ka dukh na bhoolon ga,
Nahin hai khail yeh asaaan, mera jee nahin lagta,

Koi paimaa’n pura ho nahin sakta magar phir bhi,
Karo taaza koi paimaa’n, mera jee nahin lagta,

Kuch aesa hai ke jese mein yahan hoon aik zindgani,
Hain saare log zindaa’n baan’n, mera jee nahin lagta..

…

Dil Tha Darham Aur Barham Raaigaan

Jon Elia Poetry

Dil Tha Darham Aur Barham Raaigaan
Thay Tumhaari Zulf Ke Kham Raaigaan

Apni Saari Aarzooain Theen Faraib
Apnay Khwaabon Ka Tha Aalam Raaigaan

“Jhon” Shayad Kuch Nahee Kuch Bhi Nahee
Hai Dawaam Ik Weham Aur Dam Raaigaan

Zindagi Bas Raaigaani Hee Tou Hai
Mein Bohat Khush Hun Ke Thay Ham Raaigaan

Ham Rasaa Aur Naarsaa Kuch Bhee Nahee Thay
Yaani “Jhon” Aur Fahiya Kuch Bhee Na Thay

…

Kub Os Ka Visaal Chahye Tha

Jon Elia Poetry

Kub Os Ka Visaal Chahye Tha ?????
Bas Ik Khayaal Chahye Tha…………..

Kub Dil Ko Jawab Se Garz Thee ???
Honton Ko Sawaal Chahye Tha…….

Ek Chehra Saada Tha Jo Ham Ko….
Be Masl-o-Misaal Chahye Tha……..

Ik Qarb Mein Zaat-o-Zindagi Hain..
Mumkin Ko Muhaal Chahye Tha…..

Mein Kia Hun Bas Ik Malaal-e-Maazi
Os Shaks Ko Haal Chahye Tha…………

Hum Tum Jo Bichar Gaye Hain Hum Ko
Kuch Din Tou Malaal Chahye Tha………!

…

Tum Jab Aao Gi Tou Khoya Hua Paao Gi Mujhey

Jon Elia Poetry

Tum Jab Aao Gi Tou Khoya Hua Paao Gi Mujhey
Meri Tanhaayi Mein Khwaabon Ke Siwa Kuch Bhi Nahi

Meray Kamray Ko Sajaanay Ki Tamanna Hai Tumhain ?
Meray Kamray Mein Kitaabon Ke Siwa Kuch Bhi Nahi

In Kitaabon Ne Barra Zulm Kiya Hai Mujh Par
In Mein Ik Ramz Hai Jisme Ramz Ka Maara Hua Zehen

Muzda-e-Ishrat-e-Anjaam Nahi Paa Sakta
Zindagi Mein Kabhi Aaram Nahi Paa Sakta

…

Hum Rahay Per Nahee Rahay Aabaad

Jon Elia Poetry

Hum Rahay Per Nahee Rahay Aabaad
Yaad Ke Ghar Nahee Rahay Aabaad

Kitni Aankhain Howin Halaak-e-Nazar
Kitnay Manzar Nahee Rahay Aabaad

Hum Ke Ay Dil Thay Sakhan Sir Taa Paa
Hum Labon Pe Nahee Rahay Aabaad

Sheher-e-Dil Mein Ajab Mohallay Thay
In Mein Aksar Nahee Rahay Aabaad

Jaanay Kia Waaqiya Howa Kiun Loog ????
Apnay Andar Nahee Rahay Aabaad

Har Baar Mere Saamnay Aati Rahi Ho Tum

Jon Elia Poetry

Har Baar Mere Saamnay Aati Rahi Ho Tum
Har Baar Tum Se Mil Ke Bicharta Raha Hun Mein

Tum Kon Ho Ye Khud Bhee Nahee Jaanti Ho Tum
Mein Kon Hun Ye Khud Bhee Nahee Jaanta Hun Mein

Tum Mujh Ko Jaan Kar Hee Padi Ho Azaab Mein
Aur Is Tarah Khud Apni Sazaa Ban Gayaa Hun Mein

…

Shaayad Mujhe Kisi Se Mohabbat Nahi Howi

Jon Elia Poetry

Shaayad Mujhe Kisi Se Mohabbat Nahi Howi
Laikin Yaqeen Sab Ko Dilaata Raha Hun Mein

Ik Husn-e-Bemisaal Ki Tamseel Ke Lye
Parchaayion Pe Rung GIraata Raha Hun Mein

Apna Misaalya Mujhe Ab Tak Na Mil Saka
Zarron Ko Aaftaab Banaata Raha Hun Mein

Kia Mil Gaya Zameer Hunar Baich Kar ?
Itna Ke Sirf Kaam Chalaata Raha Hun Mein

Kal Dophair Ajeeb Si Ek Be-Dili Rahee
Bas Titliaan Jalaa Ke Bujhaata Raha Hun Mein

…

Thi Gar Aanay Mein Maslihat Haail

Jon Elia Poetry

Thi Gar Aanay Mein Maslihat Haail
Yaad Aana Koi Zaroori Tha ?

Dekhiye Ho Gayi Ghalat-Fehmi
Muskuraana Koi Zaroori Tha ?

Lijiye Baat Hee Na Yaad Rahi
Gungunaana Koi Zaroori Tha ?

Gungunaa Kar Meri Jawaan Ghazlain
Jhoom Jana Koi Zaroori Tha ?

Mujh Ko Paa Kar Kisi Khayaal Mein Guum
Chhup Ke Aana Koi Zaroori Tha ?

Uff Wo Zulfain, Wo Naaganain, Wo Hansi
Yun Daraana Koi Zaroori Tha ?

Aur Aisay Eham Mazaaq Ke Baad
Rooth Jaana Koi Zaroori Tha ?

…

Dil Jo Hai Aag Laga Doon Os Ko..

Jon Elia Poetry

Dil Jo Hai Aag Laga Doon Os Ko,
Aur Phir Khud Hee Hawa Doon Os Ko,

Jo Bhee Hai Os Ko Ganwa Betha Hai,
Mein Bhala Kaisay Ganwa Doon Os Ko ?

Tujh Gumaan Per Jo Emaarat Ki Thi,
Sochta Hoon K Mein Dhaa Doon Os Ko

Jism Mein Aag Laga Doon Os Ke,
Aur Phir Khud Hee Bujha Doon Os Ko,

Hijr Ki Nazar Tou Deni Hai Osay,
Sochta Hoon Ke Bhulaa Doon Os Ko,

Jo Nahee Hai Meray Dil Ki Dunya,
Kyun Na Mein ‘Jhon’ Mita Doon Os Ko ?

…

Dil ko us kaa khayaal chhor gayaa

Jon Elia Poetry

Maskan-e-maah-o-saal chhor gayaa
Dil ko us kaa khayaal chhor gayaa

Taazah-dam jism-o-jaan the furqat men
Vasl us kaa nidhaal chhor gayaa

Ahd-e-maazii jo thaa ajab purhaal
Aik viiraan haal chhor gayaa

Zaala-baarii ke marhalon kaa safar
Qaafile, paayemaal chhor gayaa

Dil ko ab ye bhii yaad ho ke na ho
Kaun thaa , kyaa malaal chhor gayaa

Main bhii ab khud se huun javaab-talab
Vo mujhe be-savaal chhor gayaa

(maskan:abode)(maah-o-saal:months and years)(taazah-dam:fresh)(jism-o-jaan:body and soul)(furqat:separation)(vasl:meeting)(nidhaal:exhausted)(ahd-e-maazii:time of past)(purhaal:eventful)(ahd-e-maazii:time of past)(purhaal:eventful)(zaala-baarii:hailstorm)(marhale:stages)(paayemaal:devastated)

…

Kubhi Kubhi Tou Bohat Yaad Aanay Lagtay Ho

Jon Elia Poetry

Kubhi Kubhi Tou Bohat Yaad Aanay Lagtay Ho
Ke Rooth’tay Ho Kubhi Aur Manaanay Lagtay Ho

Gila Tou Ye Hai Ke TUM Aatay Nahee Kubhi Laikin
Jub Aatay Bhee Hou Tou Foran Hee Jaanay Lagtay Ho

Ye Baat Jhon Tumhari Mazaaq Hai Ke Nahi ?
Ke Jo Bhee Ho Ose Tum Aazmaanay Lagtay Ho

Tumhaari Shaayari Kia Hai Bhala, Bhala Kia Hai ?
Tum Apne Dil Ki Udaasi Ko Gaanay Lagtay Ho

Sarwad-e-Aatish-e-Zarreen Sehen-e-Khaamooshi
Wo Daagh Hai Jisay Har Shab Jalaanay Lagtay Ho

Suna Hai Kehkashaanon Mein Roz-o-Shab Hee Nahee
Tou Phir Tum Apni Zabaan Kiun Jalaanay Lagtay Ho ?

…

Hai yeh baazaar jhoot ka bazaar

Jon Elia Poetry

Hai yeh baazaar jhoot ka bazaar,
Phir yehi jinss kyun na tolain hum,
Karke ik doosre se ehd-e-wafaa,
Aao kuch der jhoot bolain hum..

…

Naya ek rishta paida kyun karein hum

Jon Elia Poetry

Naya ek rishta paida kyun karein hum
Bicharna hai to jhhagra kyon karain hum

Khamoshi se ada ho rasm.E.Duri
Koi humgama barpa kyon karain hum

Ye kafi hai k hum dushman nahi hain
Wafa-Dari ka da’awa kyon karain hum

Wafa, ikhlaas, qurbani, mohabbat
Ab inn lafzon ka peecha kyon karain hum

Suna dain ismat.E.Maryam ka qissa?
Par ab iss baab ko waa kyon karain hum

Zulekhaa.E.Azeezaan baat ye hai
Bhala ghaatay ka sauda kyon karain hum

Hamari hee tamanna kyon karo tum
Tumhari hee tamanna kyon karain hum

Kia tha e’had jab lamhon mein hum nay
To saari umar iifa kyon karain hum

Nahi dunya ko jab parwah hamari
To phir dunya ki parwah kyon karain hum

Barehna hain sar.E.Bazaar to kia
Bhala andhon se pardah kyon karain hum

Hain baashinday issi basti k hum bhi
So khud par bhi bharosa kyon karain hum

Pari rehnay do insaanon ki laashain
Zameen ka bojh halka kyon karain hum

Ye basti hai muslamaanon ki basti
Yahan kar.E.Maseeha kyon karain hum

(Hungama Barpa:Make Noise)(Dawa:Claim)(Ehad:Commitment)(Sar-e-Bazaar:Loud And Clear, In Public)(Baashinday:Humans)

…