Parveen Shakir

Bohat se log they mehmaan mere ghar lekin

Parveen Shakir Poetry

Bohat se log they mehmaan mere ghar lekin,
Wo janta tha k hey ehtamam kis k liye..

…

Marney se bhi pehle mar gaye they..

Parveen Shakir Poetry

Marney se bhi pehle mar gaye they,
Jeeney se kuch aese dar gaye they,

Rastey mein jahan talak diye they,
Saarey mere hamsafar gaye they,

Aankhain abhi khul nahin saki thi’n,
Aur khawb mere bikhar gaye they,

Jab tak na khila tha us ka waada,
Mausam mere be’samar gaye they,

Ab tak wohhi nasha e paziraayi*,
Kya jaaniye hum kidhar gaye they..

(paziraayi;appreciation)

…

Rasta hi neya hai, na main anjaan bohat hoon..

Parveen Shakir Poetry

Rasta hi neya hai, na main anjaan bohat hoon,
Phir kuye’malaamat mein hoon, nadaan bohat hoon,

Ik umar jisey khawab ki manind hi dekha,
Chooney ko mila hai to pareshaan bohat hoon,

Mujh mein kabhi aahat ki tarah se koi aye,
Ik band gali ki tarah sunsaan bohat hoon,

Uljhen ke keyi baar abhi lafz se mafhoom,
Saada hai bohat woh, na main asaan bohat hoon..

…

Badal dena hai rasta ya kahin par beth jana hai..

Parveen Shakir Poetry

Badal dena hai rasta ya kahin par beth jana hai,
Ke thaktaa ja raha hai humsafar ahistaa ahistaa..

…

Ab Kaisi Pardah-Daari , Khabar Aam Ho Chuki

Parveen Shakir Poetry

Ab Kaisi Pardah-Daari , Khabar Aam Ho Chuki
Maa Ki Rida Tou, Din Howe, Neelaam Ho Chuki

Ab Aasmaa.n Se Chadar-e Shab Aaye Bhi Tou Kiya
Be-Chadari Zameen Pe iLzaam Ho Chuki

Ujrey Howe Diyaar Pe Phir Kiun Nigah Hai
Is Kasht Per Tou Barish-e-Ikraam Ho Chuki

Sooraj Bhi Os Ko Dhoond Ke Wapas Chala Gaya
Ab Ham Bhi Ghar Ko Lout Chalain Shaam Ho Chuki

Shimley Sambhaaltey Hee Rahay Maslehat Pasand
Hona Tha Jis Ko Pyaar Main Bad-Naam Ho Chuki

Aankhain Hain Aur Subha Talak Tera Intezaar
Mishal Bad’dast Raat Terey Naam Ho Chuki

Koh-e-Nida Se Bhi Sukhan Utrey Agar, Tou Kiya
Na-Sameoo.n Main Hurmat-e-iLhaam Ho Chuki

…

Wo Aks-e-Mauja-e-Gul Tha, Chaman Chaman Mein Raha

Parveen Shakir Poetry

Wo Aks-e-Mauja-e-Gul Tha, Chaman Chaman Mein Raha
Wo Rang Rang Mein Utraa, Kiran Kiran Mein Raha

Wo Naam Haasil-e-Fun Ho Ke Mere Fun Mein Raha
Ke Rooh Ban Ke Meri Soch Ke Badan Mein Raha

Sakoon-e-Dil Ke Lye Mein Kahan Kahan Na Gayi
Magar Ye Dil, Ke Sadaa Oski Anjuman Mein Raha

Wo Sheher Waalon Ke Aagay Kaheen Mohazzib Tha
Wo Ek Shakhs Jo Sheheron Se Door Ban Mein Raha

Charaagh Bujhtay Rahay Aur Khwaab Jaltay Rahay
Ajeeb Tarz Ka Mausam Mere Watan Mein Raha

…

Ab Bhala Chorh Ke Ghar Kia Kartay

Parveen Shakir Poetry

Ab Bhala Chorh Ke Ghar Kia Kartay
Shaam Ke Waqt Safar Kia Kartay

Teri Masroofiatain Jaantay Hain
Apne Aanay Ki Khabar Kia Kartay

Jab Sitaaray Hee Nahi Mil Paaye
Le Ke Ham Shams-o-Qamar Kia Kartay

Wo Musaafir Hee Khuli Dhoop Ka Tha
Saaye Phaila Ke Shajar Kia Kartay

Khaak Hee Awwal-o-Aakhir Thehri
Kar Ke Zarray Ko Gohar Kia Kartay

Raaye Phele Se Bana Li TU Ne
Dil Mein Ab Ham Tere Ghar Kia Kartay

Ishq Ne Saaray Saleeqay Bakhshay
Husn Se Kasb-e-Hunar Kia Kartay

…

.Aankhon mein sawaal they hazaaron..

Parveen Shakir Poetry

Ik umar ke baad us ko dekha,
Aankhon mein sawaal they hazaaron,
Honton pe magar wohi tabasum,
Chehrey pe likhi huyi udaasi,
Lehjey mein magar balaa ka thehrao,
Awaaz main goonjti judai,
Baanhen thi magar wisaal-e-samaan,

Simtti huyi baazuyon mein,
Taa’der mein sochti rahi thi,
Kis abr-e-gurez paa ki tarah,
Main kis shajar se katt gayi thi,
Kis chaaon ko tark kar diya tha,

Main us ke galey lagi huyi thi,
Woh ponchh raha tha mere aansu,
Lekin barri dair ho chuki thi..

…

Ab aur jeeney ki surat nazar nahin ati..

Parveen Shakir Poetry

Ab aur jeeney ki surat nazar nahin ati,
Kisi tarah bhi achi khabar nazar nahin ati,

Ussi ke aas main hai dil ka hujraa tareek,
Woh roshni jo kabhi mere ghar mein nahin ati,

Woh meherbaan hai to mehraab-o-baam tak na rahe,
Yeh dhoop kyon pas-ey dar o deewar nahin ati,

Hayaat mein ab koi aesa morr nahin,
Ke jis ke baad teri rahguzar nazar nahin ati,

Qabooliyat ki hai gharri to us ko maang hi loon,
Ke yeh gharri kabhi baar-e-dagar nahin ati,

Saraaye khaana dunyiyaa main shaam hoti hai,
Musaafiron ko naveed-e-safar nazar nahin ati..

…

Khuli aankhon mein sapna jhaankta hai..

Parveen Shakir Poetry

Khuli aankhon mein sapna jhaankta hai,
Woh soya hai ke kuch kuch jaagta hai,

Tere chahat ke bheegey junglon mein,
Mera tan man mor ban kar nachta hai,

Mujhe har kefiyat mein kyon na samjhey,
Woh mere sab hawaaley jaanta hai,

Main uss ki dastrass main hoon magar woh,
Mujhe meri razaa se mangta hai,

Kissi ke dheyaan main dooba hua dil,
Bahaaney se mujhe bhi taalta hai,

Sarrak ko chorr kar chalna parega,
Ke mere ghar ka kacchaa rasta hai..

…

Wo Merey Pao.n Ko Choney Jhuka Tha Jis Lamhey

Parveen Shakir Poetry

Jagaa Sakey Na Terey Lub, Lakeer Aisi Thi
Humarey Bakht Ki Raikha Bhi Meer Aisi Thi

Ye Haath Chomey Gai, Phir Bhi Be-Gulaab Rahey
Jo Rutt Bhi Aai Khizaa.n K Safeer Aisi Thi

Wo Merey Pao.n Ko Choney Jhuka Tha Jis Lamhey
Jo Mangta Usey Deti Ameer Aisi Thi

Shahadatain Merey Huq Main Tamam Jaati Thee.n
Magar Khamosh They Munsif, Nazeer Aisi Thi

Kutar K Jaal Bhi Sayyad Ki Raza Ke Baghair
Tamaam Um’r Na Urti Aseer Aisi Thi

Phir Us Ke Baad Na Dekhey Visaal Ke Mausam
Judaiyo.n Ki Ghari Chashm Geer Aisi Thi

Bas Ik Nigah Mujhe Dekhta, Chala Jata
Us Aadmi Ki Mohabbat Faqeer Aisi thi

Rida K Saath Luterey Ko Zaad-e Raah Diya
Teri Firagh Dili Merey Veer Aisi Thi

Kabhi Na Chahney Walo.n Ka Khoo.n Baha Manga
Nigaar-e-Sheher-e-Sukhan Be-Zameer Aisi Thi

…

Koi aahat na koi chaap na koi awaaz..

Parveen Shakir Poetry

Koi aahat na koi chaap na koi awaaz,
Dil ki galiyan meri sunsaan hain aye koi..

…

Woh aik rishta benaam bhi nahin lekin..

Parveen Shakir Poetry

Woh aik rishta benaam bhi nahin lekin,
Main ab bhi us ke isharon pe sar jhukaon gi..

…

Doobi hain meri ungliyaan apne lahuu main..

Parveen Shakir Poetry

Doobi hain meri ungliyaan khud apne lahuu main,
Yeh kaanch ke tukrron ko uthaney ki sazaa hai..

…

Bachpaney ki neend ki to ab khawb ho gayi

Parveen Shakir Poetry

Woh bachpaney ki neend ki to ab khawb ho gayi,
Kya umar thi ke raat huyi aur so gaye..

Khushi ki baat hai ya dukh ka manzar..

Parveen Shakir Poetry

Khushi ki baat hai ya dukh ka manzar dekh sakti hoon,
Teri awaaz ka chehra main chuu kar dekh sakti hoon,

Abhi tere labon pe zikar fasl-e-gul nahin aya,
Magar ik phool khilte apne andar dekh sakti hoon,

Kinaara dhoondne ki chaah tak mujh mein nahin hogi,
Main apne gird aik aesa samandar dekh sakti hoon,

Vasaal-o-hijar apne yaksaa’n* hain, woh manzar hai chahat mein,
Main aankhain band kar ke tujh ko aksar dekh sakti hoon,

Abhi tere siwaa duniyaa bhi hai maujood is dil main,
Main khud ko kiss tarah tere baraabar dekh sakti hoon..

(yaksaa’n;similar)

…

Ik shakhss ko sochti rahi main..

Parveen Shakir Poetry

Ik shakhss ko sochti rahi main,
Phir aayina dekhne lagi main,

Us ki tarah apna naam le ker,
Khud ko bhi lagi neyi neyi main,

Tu mere bina reh na saka to,
Kab tere baghair jee saki main,

Aati rahe ab bhi kahin se awaz,
Ab to tere pass agayi main,

Daaman tha tera ke mera maatha,
Jo daagh bhi they mittaa chuki main..

…

Gungunatey huye lamhon main usey..

Parveen Shakir Poetry

Gungunatey huye lamhon main usey,
Dheyaan mera kabhi aaya ke nahin..

…

Ghar ka darwaaza khulaa rakha hai..

Parveen Shakir Poetry

Ghar ka darwaaza khulaa rakha hai,
Waqt mil jaye to zehmat karnaa..

…

Manzar Hai Wohi Thathak Rahi Hun

Parveen Shakir Poetry

Manzar Hai Wohi Thathak Rahi Hun
Hairat Se Palak Jhapak Rahi Hun

Ye Tou Hai Ke Mera Wehem Hai !
Band Aankhon Se Tujh Ko Tak Rahi Hun

Jaisay Ke Kubhi Na Tha Taarruf
Yun Miltay Howay Jhijak Rahi Hun

Pehchaan! Mein Teri Roshni Hun
Aur Teri Palak Palak Rahi Hun

Kia Chain Mila Hai ——-Sir Jo Iske
Shaanon Pe Rakhay Sisak Rahi Hun

Pathar Pe Khili, Ke Chasham Gul Mein
Kaantay Ki Tarah Khatak Rahi Hun

Jugnuu Kaheen Thak Ke Gir Chuka Hai
Jangal Mein Kahan Bhatak Rahi Hun

Gurrya Meri Soch Ki Chhanni Kia
Bachi Ki Tarah Bilak Rahi Hun

Ik Umar Howi Khud Se Lartay
Andar Se Tamaam Thak Rahi Hun

Rus Phir Se Jarron Mein Jaa Raha Hai
Mein Shak Pe Kab Se Pak Rahi Hun

Takhleeq-e-Jamaal-e-Fun Ka Lamha !
Kalyon Ki Tarah Chatakh Rahi Hun

…

Chaand Meri Tarah Pighalta Raha

Parveen Shakir Poetry

Chaand Meri Tarah Pighalta Raha
Neend Mein Saari Raat Chalta Raha

Jaanay Kis Dukh Se Dil Girifta Tha
Mun Pe Baadal Ki Raakh Malta Raha

Mein Tou Paaon Ke Kaantay Chunti Rahi
Aur Wo Raasta Badalta Raha

Raat Galyon Mein Jub Bhatakti Thi
Koi Tou Tha Jo Saath Chalta Raha

Sard Rut Mein, Musaafiron Ke Lye
Payrr, Ban Kar Alaao, Jalta Raha

Mausami Bel Thi Mein Sookh Gayi
Wo Tanaawar Darakht, Phalta Raha

Dil, Mere Tan Ka Phool Sa Bacha
Patharon Ke Nagar Mein Palta Raha

Neend Hee Neend Mein Khilonay Lye
Khwaab Hee Khwaab Mein Behelta Raha

…

Theher Jaye, Magar Raat Katay

Parveen Shakir Poetry

Theher Jaye, Magar Raat Katay
Koi Soorat Ho Ke Barsaat Katay

Khushbuuain Mujhko Qalam Karti Gayin
Shaakh Dar Shaakh Mere Haath Katay

Mouj-e-Gul Hai Ke Talwaar Koi
Darmiaan Se Hee Manajaat Katay

Harf Kiun Apne Ganwayein Jaa Kar
Baat Se Phele Jahan Baat Katay

Chaand ! Aa Mil Ke Manayein Ye Shab
Aaj Ki Raat Tere Saath Katay

Pooray Insaanon Mein Ghus Aayein Hain
Sar Katay, Jism Katay, Zaat Katay

…

Ashk Aankh Mein Phir Atak Raha Hai

Parveen Shakir Poetry

Ashk Aankh Mein Phir Atak Raha Hai
Kankar Sa Koi Khatak Raha Hai

Mein Os Ke Khayaal Se Gurezaan
Wo Meri Sadaa Jhatak Raha Hai

Tehreer Osi Ki Hai, Magar Dil
Khat Parhtay Howay Atak Raha Hai

Hain Phone Pe Kis Ke Saath Baatain
Aur Zehen Kahan Bhatak Raha Hai

Sadyon Se Safar Mein Hai Samandar
Saahil Pe Thakan Tapak Raha Hai

Ek Chaand Salaib-e-Shaakh-e-Gul Per
Baali Ki Tarah Latak Raha Hai

…

Hawaa Se Jung Mein Hun, Be-Amaa.n Hun

Parveen Shakir Poetry

Hawaa Se Jung Mein Hun, Be-Amaa.n Hun
Shikasta Kashtiyon Per Baadbaa.n Hun

Mein Sooraj Ki Tarah Hun Dhoop Orrhay
Aur Apne Aap Per Khud Saayebaa.n Hun

Mujhe Baarish Ki Chaahat Ne Dubooya
Mein Pukhta Sheher Ka Kacha Makaa.n Hun

Khud Apni Chaal Ulti Chalna Chaahun
Mein Apne Vaastay Khud Aasmaa.n Hun

Duaaein De Rahi Hun Dushmanon Ko
Ik Hamdard Per Na-Meherbaa.n Hun

Parindon Ko Dua Sikhla Rahi Hun
Mein Basti Chhorr, Jangal Ki Azaa.n Hun

Abhi Tasveer Meri Kia Banay Gi ?
Abhi Tou Canvas Per Ik Nishaa.n Hun

…

Tamaam raat mere ghar ka aik dar khula raha

Parveen Shakir Poetry

Tamaam raat mere ghar ka aik dar khula raha,
Main raah dekhti rahi, woh rasta badal geya,

Woh sheher hai ke jadugarniyon ka koi des,
Wahan to jo geya kabhi laut kar na aasaka,

Main wajah-e-tark-e-dosti ko sun ke muskurayi to,
Woh chaunk utha, ajab nazar se mujh ko dekhne laga,

Bichar ke mujh se, halaq ko aziz ho geya hai tu,
Mujhe to jo koi mila, tujhi ko puchta raha,

Woh dilnawaaz lamhe bhi gayi ruton mein aye jab,
Main khawb dekhti rahi, woh mujh ko dekhta raha,

Woh jis ki ek pal ki be’rukhi bhi dil ko haar thi,
Usey khud apne hath se likha hai, mujhe bhool ja,

Damak raha hai aik chaand se jabee’n pe ab talak,
Gurez’paa mohabton ka koi pal theher geya..

…

Woh jab se sheher-e-harabaat ko rawaana hua..

Parveen Shakir Poetry

Woh jab se sheher-e-harabaat ko rawaana hua,
Barahe’raast mulaqaat ko zamana hua,

Woh sheher chorr ke jaana to kab ka chahta tha,
Yeh naukri ka bulawaa to ik bahaana hua,

Khudaa kare teri ankhain hamesha hansti rahain,
Yeh aankhain jin ko kabhi dukha ka hausla na hua,

Kinaar-e-sehen chaman sabz bail ke nechey,
Woh roz subah ka milna to ab fasaana hua,

Main sochti hoon ke mujh mein kami thi kis shayy ki,
Ke sab ka ho ke raha woh, bas ik mera na hua,

Kisey bulati hain aangan ki champayi shaakhain,
Ke woh ab apne naye ghar mein bhi purana hua,

Dhanak ke rang main saari to rang li hain mene,
Aur ab yeh dukh, ke pehen kar kise dikhana hua,

Main apne kaano’n main bele ke phool kyon na pehnoon,
Zabaan-e-rang se kiss ko mujhe bulana hua..

…

Humain khabar hai, Hawaa ka mizaaj rakhte ho..

Parveen Shakir Poetry

Humain khabar hai, Hawaa ka mizaaj rakhte ho,
Magar yeh kya, ke zara dair ko rukey bhi nahin..

…

Jab aankh mein shaam utre, Palkon pe shafaq phooley..

Parveen Shakir Poetry

Jab aankh mein shaam utre,
Palkon pe shafaq phooley,

Kajal ki tarah meri,
Ankh ko dhank choo’ley,

Us waqat koi us ko,
Aankh se meri dekhe,

Palkon se meri choomey..

…

Kaisay Chhorain Ose Tanhayi Per

Parveen Shakir Poetry

Kaisay Chhorain Ose Tanhayi Per ?
Harf Aata Hai Maseehayi Per

Oski Shohrat Bhee Tou Phaili Har Suu
Pyaar Aanay Laga Sodaayi Per

Theherti Hee Nahin Aankhain Jaanan !
Teri Tasweer Ki Zebaayi Per

Rashk Aaya Hai Bohat Husn Ko Bhee
Qaamat-e-Ishq Ki Ra’naayi Per

Sataah Se Dekh Ke Andaazay Lagain
Aankh Jaati Hee Nahi Gehraayi Per

Zikar Aaye Ga Jahan Bhanwaron Ka
Baat Ho Gi Meri Harjaayi Ki

Khud Ko Khushbuu Ke Hawaalay Kar Dain
Phool Ki Tarz-e-Paziraayi Per

…

Najana kon sa aasaib dil mein basta hai

Parveen Shakir Poetry

Najana kon sa aasaib dil mein basta hai,
Ke jo bhi thehra woh aakhir makaan chor gaya…

Rung, Khushbuu Mein Agar Hal Ho Jaye

Parveen Shakir Poetry

Rung, Khushbuu Mein Agar Hal Ho Jaye
Vasl Ka Khwaab Mukammal Ho Jaye

Chaand Ka Chooma Howa Surkh Gulaab
Teetri Dekhay Tou Paagal Ho Jaye

Mein Andheron Ko Ujaalon Aisay
Teergi Aankh Ka Kaajal Ho Jaye

Doush Per Baarishain Le Ke Ghoomain
Mein Hawa Aur Wo Baadal Ho Jaye

Narm Sabzay Per Zara Jhuk Ke Chalay
Shabnami Raat Ka Aanchal Ho Jaye

Umer Bhar Thaamay Rahay Khushbuu Ko
Phool Ka Haath Magar Shal Ho Jaye

Chirrya Pat’ton Mein Simat Kar Soye
Pairr Yun Phailay Ke Jangal Ho Jaye

…

Agarche Tujh Se Bohat Ikhtilaaf Bhee Na Howa

Parveen Shakir Poetry

Agarche Tujh Se Bohat Ikhtilaaf Bhee Na Howa
Magar Ye Dil Teri Jaanib Se Saaf Bhee Na Howa

Taaluqaat Ke Barzakh Mein Hee Rakha Mujhko
Wo Mere Haq Mein Na Tha Aur Khilaaf Bhee Na Howa

Ajab Tha Jurm-e-Mohabbat Ke Jis Pe Dil Ne Mere
Saza Bhee Paayi Nahee Aur Maaf Bhee Na Howa

Malaamaton Mein Kahan Saans Le Sakain Ge Wo ?
Ke Jin Se Ko-e-Jafa Ka Tawaaf Bhee Na Howa

Ajab Nahee Hai Ke Dil Per Jami Masli Kaayi
Bohat Dinon Se Tou Ye Houz Saaf Bhee Na Howa

Hawa-e-Deher ! Humain Kis Liye Bujhaati Hai ?
Humain Tou Tujh Se Kubhi Ikhtilaaf Bhee Na Howa

…

Wo Rut Bhi Aai Ke Mai Phool Ki Sahaili Huii

Parveen Shakir Poetry

Wo Rut Bhi Aai Ke Mai Phool Ki Sahaili Huii
Mehek Mai Champa Kali, Roop Mai Chambeli Huii

Wo Sard Raat Ki Barkha Se Kiyu Na Pyaar Karun ?
Yeh Rut To Hai Mere Bachpan Ke Saath Kheli Huii

Zameen Pe Paaon Nahi Par Rahe Takabbur Se
Nigar-E-Gham Koi Dulhan Nai Nawaili Huii

Wo Chaand Ban Ke Mere Saath Saath Chalta Raha
Mai Us Ke Hijr Ki Raaton Mai Kab Akaili Huii ?

Jo Harf-E-Saada Ki Surat Hamesha Likhi Gai
Wo Larki Tere Liye Kis Tarah Paheli Huii ?

…

Shajar Ke Haath Mein Ek Zard Phool Baaqi Hai

Parveen Shakir Poetry

Shajar Ke Haath Mein Ek Zard Phool Baaqi Hai
Abhi Libaas-e-Musaafir Pe Dhool Baaqi Hai

Mere Qabeelay Mein Niklay Subhi Farokhtni
Na Koi Waada Na Koi Usool Baaqi Hai

Duroon-e-Sheher Gulaabon Ki Baa’r Khatam Howi
Kinaaray Sheher Puraani Babool Baaqi Hai

Hawa-e-Sheher-e-Sitam Ko Abhi Pata Na Chalay
Mere Dupattay Mein Ik Surkh Phool Baaqi Hai

…

Ghar Ke Mitnay Ka Gham Tou Hota Hai

Parveen Shakir Poetry

Ghar Ke Mitnay Ka Gham Tou Hota Hai
Apne Malbay Pe Kon Sota Hai ????????

Khushbuein Gair Tan Se Aati Hai
Baazuoun Mein Mujhe Samota Hai

Mere Dil ! Aansuoun Se Haath Utha
Kaisi Baarish Se Zakham Dhota Hai

Shaam Hotay Hee Meri Palkon Per
Kon Ye Haar Sa Pirota Hai

Raat Ke Bekaraan Andheray Mein
Koi Jugnu Ki Neend Sota Hai

…

Nam Hain Palkain Teri Ay Mouj-e-Hawa, Raat Ke Saath

Parveen Shakir Poetry

Nam Hain Palkain Teri Ay Mouj-e-Hawa, Raat Ke Saath
Kia Tujhe Bhee Koi Yaad Aata Hai Barsaat Ke Saath ?

Roothnay Aur Manaanay Ki Hadain Milnay Lagee.n
Chasham Poshi Ke Saleeqay Thay, Shikayaat Ke Saath

Tujh Ko Kho Kar Bhee Rahuun Khilwat-e-Jaa.n Mein Teri
Jeet Paayi Hai Mohabbat Ne Ajab Maat Ke Saath

Neend Laata Howa, Phir Aankh Ko Dukh Deta Howa
Tajurbay Donuun Hain Wabasta Tere Haath Ke Saath

Kubhi Tanhayi Se Mehroom Na Rakha Mujh Ko
Dost Hamdard Rahay Kitnay, Meri Zaat Ke Saath

…

Mere liye to wo khan’jar bhi phool ban ke uthaa

Parveen Shakir Poetry

Mere liye to wo khan’jar bhi phool ban ke uthaa,
Zabaan sakht thi, lehjaa magar karakht na tha.

…

Andheri raaton ke tanhaa musafiron k liye

Parveen Shakir Poetry

Andheri raaton ke tanhaa musafiron ke liye,
Diyaa jalata hua koi saaz o rakht na tha.

…

Dua to jane kaun si thi..

Parveen Shakir Poetry

Dua to jane kaun si thi,
Zehen mein nahin,
Bas itna yaad hai,
Ke do hatheliyan mili huyi thi,
Jin mein ek meri thi,
Aur ik tumhari..

…

Sahaab Tha Ke Sitaara, Guraiz Paa Hee Laga

Parveen Shakir Poetry

Sahaab Tha Ke Sitaara, Guraiz Paa Hee Laga
Wo Apni Zaat Ke Har Rang Mein Hawa Hee Laga

Mein Aisay Shakhs Ki Masoomiyat Pe Kia Likhuun ?
Jo Mujh Ko Apni Khataaon Mein Bhee Bhalaa Hee Laga

Zabaa.n Se Chup Hai Magar Aankh Baat Karti Hai
Nazar Uthaayi Hai Jub Bhee Tou Bolta Hee Laga

Jo Khwaab Dene Pe Qaadir Tha, Meri Nazron Mein
Azaab Daitay Howay Bhee Mujhe Khudaa Hee Laga

Na Mere Lutf Pe Hairaan Hai Na Apni Uljhan Per
Mujhe Ye Shakhs Tou Har Shakhs Se Judaa Hee Laga

…

Yeh silsila ab aur to chalne ka nahin

Parveen Shakir Poetry

Bas tere rawai’yon ka sabab dhoondte rehna,
Yeh silsila ab aur to chalne ka nahin..

…

Dastaras Se Apni, Baahir Ho Gaye

Parveen Shakir Poetry

Dastaras Se Apni, Baahir Ho Gaye
Jub Se Hum Un Ko Mayassar Ho Gaye

Hum Jo Kehlaaye Tuluu-e-Mahtaab
Doobtay Sooraj Ka Manzar Ho Gaye

Sheher-e-Khobaa.n Ka Yehi Dastoor Hai
Murr Ke Dekha Aur Pathar Ho Gaye

Be-Watan Kehlaaye Apne Dais Mein
Apne Ghar Mein Reh Kar Be-Ghar Ho Gaye

Sukh Teri Meraas Thay, Tujh Ko Milay
Dukh Hamaaray Thay, Muqaddar Ho Gaye

Wo Saraab Utraa Rag-o-Pe Mein Ke Ham
Khud Faraibi Mein Samandar Ho Gaye

…

Ajab Makaa.n Hai Ke Jis Mein Makee.n Nahee Aata

Parveen Shakir Poetry

Ajab Makaa.n Hai Ke Jis Mein Makee.n Nahee Aata
Hudood-e-Sheher Mein Kia Dil Kaheen Nahee Aata

Mein Jis Ke Ishq Mein Ghar Baar Chodh Baithi Thi
Yehi Wo Shaks Hai Mujhko Yaqeen Nahee Aata

Maza Hee Shair Sunaanay Ka Kuch Nahi Jub Tak
Qaseedah-Go Yun Mein Wo Nukta Chee.n Nahee Aata

FIshaar Jaa.n Ke Bohat Hain Agar Nazar Aayein
Har Ik Zalzala Zair-e-Zameen Nahee Aaata

Bharam Hai Mehr-o- Maa-o-Najam Ka Bhi Bas Jab Tak
Muqaabil In Ke Wo Roshan Jabee.n Nahee Aata

…

Justajuu Khoye Howon Ki Umar Bhar Kartay Rahay

Parveen Shakir Poetry

Justajuu Khoye Howon Ki Umar Bhar Kartay Rahay
Chaand Kay Hamrah Hum Har Shab Safar Kartay Rahay

Raaston Ka iLm Tha Na Ham Ko Simton Ki Khabar
Sheher-e-Na-Maaloom Ki Chaahat Magar Kartay Rahay

Ham Ne Khud Se Bhee Chhupaya Hai Aur Saaray Sheher Ko
Tere Jaanay Ki Khabar Deewaar-o-Dar Kartay Rahay

Wo Na Aaye Ga Hamain Maaloom Tha, Os Shaam Bhi
Intezaar Os Ka Magar Kuch Soch Kar Kartay Rahay

Aaj Aaya Hai Hamain Bhee Un Uraanon Ka Khayaal
Jin Ko Tere Zaim Mein, Be-Baal-o-Par Kartay Rahay

…

Taar-e-Mazgaan Nahee Mil Raha Tha

Parveen Shakir Poetry

Taar-e-Mazgaan Nahee Mil Raha Tha
Zakham Kis Yaad Ka Sil Raha Tha

Barf Mein Roshni Ghul Rahee Thi
Wo Mujhe Khwaab Mein Mil Raha Tha

Kuch Ajab Roshni Baagh Mein Thi
Phool Kis Rung Ka Khil Raha Tha

Saamnay Tha Wo Aur Dono Chup Thay
Ab Na Ham Thay Na Wo Dil Raha Tha

Rung-o-Rogan Ki Baatain Mehel Mein
Sheher Bunyaad Se Hil Raha Tha

Sochuun Tou Wo Saath Chal Raha Hai

Parveen Shakir Poetry

Sochuun Tou Wo Saath Chal Raha Hai
Dekhuun Tou Nazar Badal Raha Hai

Kiun Baat Zabaan Se Keh Ke Khoyi ?
Dil Aaj Bhee Haath Mal Raha Hai

Raaton Ke Safar Mein Wehem Sa Tha
Ye Mein Hun Ke Chaand Chal Raha Hai ?

Hum Bhee Tere Baad Jee Rahain Hain
Aur TU Bhee Kaheen Behel Raha Hai

Samjha Ke Abhee Gayi Hain Sakhiaan
Aur Dil Hai Ke Phir Machal Raha Hai

Hum Hee Buray Ho Gaye —- Ke Tera
Mayaar-e-Wafaa Badal Raha Hai ?

…

Usi Din Ghar Nahi Aata Ke Jab Aane Ko Kehta Hai

Parveen Shakir Poetry

Usi Din Ghar Nahi Aata Ke Jab Aane Ko Kehta Hai,
Magar Kya Roothna Usse Wo Apni Dhun Mein Rehta Hai,

Madaarat-E-Alam Mein Wo Nahi Shirkat Ka Kaail,
Na Apne Dukh Batata Hai Na Mere Ranj Sehta Hai,

Lab-E-Khamoosh, Chashm-E-Khushk Kya Samjhayenge Tujhko ?
Jo Barish Dil Mein Hoti Hai Jo Dariya Dil Mein Behta Hai,

Mujhe Tujhse Juda Rakhta Hai Aur Dukh Tak Nahi Hota,
Mere Andar Tere Jaisa Ye Aakhir Kaun Rehta Hai ?

Khayal-E-Yaar Abhi Roshan, Abhi Nazron Se Ojhal Hai,
Abhi Ye Raishmee.n Dariya Pahadon Mein Hi Behta Hai…!

…

Sheher ko teri justaju hai bohat..

Parveen Shakir Poetry

Sheher ko teri justaju hai bohat,
In dinon hum pe guftagu hai bohat,

Jab se parvaaz ke shareek miley,
Ghar bananey ki aarzoo hai bohat,

Dard reh reh ke sar uthaata hai,
Kabhi kam ho gaya, Kabhi hai bohat,

Kuch tou woh yaad bhi bohat aya,
Kuch in ankhon mein bhi lahu hai bohat,

Peeney wali aankh hai darkaar,
Aankh ko chaand ka sabuu hai bohat..

…

Dasht-o-Darya Se Guzarna Ho Ke Ghar Mein Rehna

Parveen Shakir Poetry

Dasht-o-Darya Se Guzarna Ho Ke Ghar Mein Rehna
Ab Tou Har Haal Mein Hai Ham Ko Safar Mein Rehna

Dil Ko Har Pal Kisi Jaadu Ke Asar Mein Rehna
Khud Se Niklay Tou Kisi Aur Ke Dar Mein Rehna

Sheher-e-Gham ! Dekh, Teri Aab-o-Hawaa Khushk Na Ho
Raas Aata Hai Ose Deeda-e-Tar Mein Rehna

Faislay Saaray Osi Ke Hain Hamaari Baabat
Ikhtiyaar Apna Bas Itna Ke Khabar Mein Rehna

Tootna Yun Tou Muqaddar Hai Magar Kuch Lamhay
Phool Ki Tarah Mayassar Ho Shajar Mein Rehna

Taayir-e-Jaan Ke Guzarnay Se Badaa Saaneha Hai
Shoq-e-Parwaaz Ka Tootay Howay Par Mein Rehna

…

Bajaa Ke Aankh Mein Neendon Ke Silsilay Bhee Nahee

Parveen Shakir Poetry

Bajaa Ke Aankh Mein Neendon Ke Silsilay Bhee Nahee
Shikast-e-Khwaab Ke Ab Mujh Mein Honslay Bhee Nahee

Nahee Nahee ! Ye Khabar Dushmanon Ne Di Hogi
Wo Aaye, Aa Ke Chalay Bhee Gaye ! Milay Bhee Nahee

Ye Kon Loog Andheron Ki Baat Kartay Hain ?
Abhee Tou Chaand Teri Yaad Ke Dhalay Bhee Nahee

Abhee Se Mere Raffugar Ke Haath Thaknay Lagay
Abhee Tou Chaak Mere Zakham Ke Silay Bhee Nahee

Khafaa Agarche Hamesha Howay Magar Ab Ke
Wo Barhami Hai Ke Hum Se Unhain Gilay Bhee Nahee

…

Gawahi Kaisay Toot’ti, Muamla Khuda Ka Tha..

Parveen Shakir Poetry

Gawahi Kaisay Toot’ti, Muamla Khuda Ka Tha,
Mera Aur Uska Rabta To Haath Aur Dua Ka Tha.

Gulab Qaimat-E-Shaguft, Shaam Tak Chuka Sakay,
Ada Wo Dhoop Ko Hua, Jo Qarz Bhi Saba Ka Tha.

Bikhar Gaya Hai Phool To Hum Hee Se Pooch Guchh Hui
Hisaab Baghbaan Se Hai Kia Dharaa Hawa Ka Tha,

Lahoo Chashida Hath Us Ne Choom Ker Dikha Dia,
Jaza Wahan Mili Jaha Marhala Saza Ka Tha,

Jo Barishon Se Kabal Apna Rizq Ghar Mein Bhar Chuka,
Woh Sheher e Moor Se Na Tha Door Bais Balaa Ka Tha..

…

Aqs Khushbu Hun, Bikharnay Se Na Rokay Koi..

Parveen Shakir Poetry

Aqs Khushbu Hun, Bikharnay Se Na Rokay Koi
Aur Bikhar Jaon Tou Mujhko Na Samaitay Koi

Kaanp Uthti Hun Mein Ye Soch Ke Tanhaayi Mein
Mere Chehray Pe Tera Naam Na Parh Le Koi

Jis Tarah Khwaab Mere Hogaye Raiza Raiza
Is Tarah Se Na Kabhi Toot Ke Bikhray Koi

Mein Tou Is Din Se Hiraasaan Hun Ke Jab Hukm Milay
Khushk Phoolon Ko Kitaabon Mein Na Rakhay Koi

Ab Tou Os Raah Se Wo Shaks Guzarta Bhee Nahee
Ab Kis Umeed Pe Darwaazay Se Jhaankay Koi?

Koi Aahat, Koi Aawaaz, Koi Chaap Nahee
Dil Ki Galyaan Badi Sunsaan Hain, Aaye Koi

…

Charaagh-e-Raah Bujha Kia, Ke Rehnumaa Bhi Gaya

Parveen Shakir Poetry

Charaagh-e-Raah Bujha Kia, Ke Rehnumaa Bhi Gaya
Hawa Ke Saath Musaafir Ka Naqsh-e-Paa Bhee Gaya

Mein Phool Chunti Rahee Aur Mujhe Khabar Na Howi
Wo Shakhs Aa Ke Mere Sheher Se Chala Bhee Gaya

Bohat Azeez Sahee Osko Meri Dildaari
Magar Ye Hai Ke Kubhi Dil Mera Dukha Bhee Gaya

Ab Un Dareechon Pe Gehray Dabaiz Parday Hain
Wo Taank Jhaank Ka Masoom Silsila Bhee Gaya

Sab Aaye Meri Ayaadat Ko, Wo Bhee Aaya Tha
Jo Sab Gaye Tou Mera Dard Aashna Bhee Gaya

Ye Ghurbatain Meri Aankhon Mein Kaisi Utri Hain ?
Ke Khwaab Bhee Mere Rukhsat Hain, Ratjaga Bhee Gaya…!

…

Kya Baat Hai Jis Ka Gham Bohat Hai

Parveen Shakir Poetry

Kya Baat Hai Jis Ka Gham Bohat Hai ?
Kuch Din Se Yeh Aankh Nam Bohat Hai

Mil Leta Hai Guftugu Ki Had Tak
Itna Hee Tera Karam Bohat Hai

Ghar Aap Hi Jagmaga Uthe Ga
Dehleez Pe Ik Qadam Bohat Hai

Mil Jaye Agar Teri Rafaqat
Mujh Ko Tou Yehi Janam Bohat Hai

Kya Shab Se Humein Sawaal Karna ?
Hona Tera Subha Dam Bohat Hai

Kyon Bujhne Lage Chiraagh Mere ?
Ab Ke To Hawa Bhi Kam Bohat Hai

Chup Kyon Tujhe Lag Gayi Hai Parveen ?
Sunte They Ke Tujh Mein Ram Bohat Hai

…

Khwaabon Ka Nagar Jala Howa Tha

Parveen Shakir Poetry

Aqs-e-Gul Ter Jala Howa Thaa
Khwaabon Ka Nagar Jala Howa Tha

Ya Dast-e-Dua Na Uth Saka Tha
Ya Os Ka Asar Jalaa Howa Tha

Har Ghar Tha Luta Howa Kayi Baar
Aur Baar-e-Gard Jalaa Howa Tha

Ya Noch Lye Gaye Thay Pattay
Ya Saara Shajar Jalaa Howa Tha

Aankhon Ki Jaga Pe Aablay Thay
Aur Taar-e-Nazar Jalaa Howa Tha

Malba Tha Tamaam, Sheher-e-Khobi
Aur Ho Ke Khandar Jalaa Howa Tha

Teh-Khaana Jaan Mein Tujh Ko Rakhti
Laikin Mera Ghar Jalaa Howa Tha

Kuch Dair Ka Sokhta Na Tha Sheher
Ye Aath Peher Jala Howa Tha

Parwaaz Ka Itna Dar Qafas Mein
Tota Howa Par Jalaa Howa Tha

Manzil Thi Ghubaar-e-Raah Mein Guum
Aur Rakht-e-Safar Jalaa Howa Tha

…

Bechar Giya Teri Soorat, Bahaar Ka Mosam..

Parveen Shakir Poetry

Khiyaal-o-Khawab Howa Barg-o-Baar Ka Mosam
Bechar Giya Teri Soorat, Bahaar Ka Mosam,

Kai Rotun Se Mere Neem Waa Dareechon Mein
Ther Giya Hai Tere Intezaar Ka Mosam,

Woh Narm Lehje Mein Kuch To kahe K Laot Aaye
Samaa`aton Ki Zameen Par Bahaar Ka Mosam,

Payaam Aaya Hai Pher Ek Saro Qamat ka
Mere Wajood Ko Khenche Hai Daar ka Mosam,

Woh Aag Hai K Meri Poor Poore Jalti Hai
Mere Badan Ko Mila Hai Chanaar Ka Mosam,

Rafaqaton Kay Nai Khawab Khushnuma Hain Magar
Guzar Chuka Hai Tere Etbaar Ka Mosam,

Hawaa Chali To nai Baarishen Bhi Saath Aaien
Zameen Kay Chehre Pe Aaya Hai Nikhaar Ka Mosam,

Woh Mera Naam Liye Jaaye Aur Main Us Ka Naam
Lahu Mein Goojh Raha Hai Pukaar Ka Mosam,

Qadam Rakhe Meri Khusbu K Ghar Ko Laota Aaye
Koi Bataaye Mujhe Kowe Yaar Ka Mosam,

Woh Roz Aake Mujeh Apna Piyaar Pehnaye
Nera Garoor Hai Bele Kay Haar Ka Mosam

Tere Tareeq-e-Muhabbat Pe Baar Haa Socha
Yeh Jabar Tha Kay Tere Ikhtiyaar Ka Mosam.

…

Yeh Chaand Aur Yeh Abar-e-Rawaan Guzarta Rahe

Parveen Shakir Poetry

Yeh Chaand Aur Yeh Abar-e-Rawaan Guzarta Rahe
Jamaal-e-Shaam Teh-e-Asmaan Guzarta Rahe,

Bhara Rahe Teri Khushbu Se Tera Sehn-e-Chaman
Bas Ek Mosam-e-Ambar Fishaan Guzarta Rahe,

Sama`aten Tere Lehje Se Phool Chunti Rahein
Dilon K Saaz Pe Tu Naghma Khawaan Guzarta Rahe,

Khuda Kare Teri Aankhen Humesha Hansti Rahen
Diyaar-e-Waqt Se Tu Shaadmaan Guzarta Rahe,

Main Tujh Ko Dekh Na Paaon To Kuch Malaal Nahi
Kaheen Bhi Ho Tu, Sitara Nishaan Guzarta Rahe,

Main Maangti Hoon Teri ZIndgi Qiyamat Tak
Hawaa Ki Tarah Se Tu Jawedaan Guzarta Rahe,

Mera Sitara Kaheen Toot Kar Bekhar Jaaye
Falaik Se Tera Khat-e-Kehkashaan Guzarta Rahe,

Main Teri CHaaon Mein Kuch Dair Bayth Loon Aur Pher
Tamaam Raasta Be Saaiebaan Guzarta Rahe,

Yeh Aag Mujh Ko Humesha Kiye Rahe Roshan
Mere Wajood Se Tu Shola Saan Guzarta Rahe,

Main Tujh Ko Dekh Sakoon Aakhri Basarat Tak
Nazar Kay Saamne Bass Ek Samaan Guzarta Rahe,

Humaara Naam Kaheen To Likha Howa Hoga
Mah-o-Najoom Se Yeh Khakdaan Guzarta Rahe,

Main Tera Saath na De Paaon Pher Bhi Tera Safar
Gulaab-o-Khawab Kay Hi Darmiyaan Guzarta Rahe,

Main Tere Seene Pe Sarr Rakh Kar Waqt Bhool Gai
Khiyaal-e-Tezi Umar-e-Rawaan Guzarta Rahe.

…

Qismat Se Bhi Kuch Siwaa Dia Hai

Parveen Shakir Poetry

Qismat Se Bhi Kuch Siwaa Dia Hai ?
Baarish Ne Hamain Mila Dia Hai

Dekhi Hai Meri Udaasi Os Ne
Aur Dekh Ke Muskura Diya Hai

Ab Tou Mujhe Sabar Aa Gaya Tha
Ye Kis Ne Mujhe Rula Dia Hai ?

Wo Chaahay Tou Raasta Badal Le
Mein Ne Tou Dia Jala Dia Hai

Os Ronaq-e-Bazm Ne Tou Meri
Tanhaayi Ko Sajaa Dia Hai

Wo Pal Ke Sulagh Uthaa Hai Malboos
Aur Os Ne Diya Bujhaa Dia Hai

…

Chaara Saazon Ki Azyat Nahi Dekhi Jaati

Parveen Shakir Poetry

Chaara Saazon Ki Azyat Nahi Dekhi Jaati
Tere Bimaar Ki Haalat Nahi Dekhi Jaati

Dene Waalay Ki Mashiyyat Pe Hai Sab Kuch Mauqoof
Maangnay Waalay Ki Haajat Nahi Dekhi Jaati

Din Behel Jaata Hai Laikin Tere Dewaanon Ki
Shaam Hoti Hai Tou Wehshat Nahi Dekhi Jaati

Tamkanat Se Tujhay Rukhsat Tou Kia Hai Laikin
Ham Se In Aankhon Ki Hasrat Nahi Dekhi Jaati

Kon Utraa Hai Ye Aafaaq Ki Pehnaayi Mein ?
Aaina Khaanay Ki Hairat Nahi Dekhi Jaati

…

Apni hee sadaa sunuun kahan tak ???

Parveen Shakir Poetry

Apni hee sadaa sunuun kahan tak ???
Jungul ki hawa rahuun kahan tak ???

Har baar hawa na hogi dar per
Har baar magar uthuun kahan tak ???

Dum ghut’ta hai ghar mein hubs wo hai
Khushbo ke lye apna raffuu karuun kahan tak ???

Saahil pe samandaron se bach kar
Mein naam tera likhoon kahan tak ???

Tanhaayi ka ek ek lamha
Hungaamon se qarz loon kahan tak ???

Gar lams nahee tou lafz hee bhej
Mein tujh se juda rahuun kahan tak ???

Sukh se bhee tou dosti kubhi ho
Dukh se hee galay miluun kahan tak ???

Mansoob ho har kiran ksi se
Apnay hee lye jaluun kahan tak ???

Aanchal mere bhar ke phat rahay hain
Phool us ke lye chunuun kahan tak ???

Ajab Makaan Hai Ke Jis Mein Makeenn Nahee Aata

Parveen Shakir Poetry

Ajab Makaan Hai Ke Jis Mein Makeenn Nahee Aata
Hudood-e-Sheher Mein Kia Dil Kaheen Nahee Aata

Mein Jis Ke Ishq Mein Ghar Baar Chorr Baithi Thi
Yehi Wo Shaks Hai Mujhko Yaqeen Nahee Aata

Maza Hee Shair Sunaanay Ka Kuch Nahi Jub Tak
Qaseedah-Go Yun Mein Wo Nukta Cheen Nahee Aata

FIshaar Jaa.n Ke Bohat Hain Agar Nazar Aayein
Har Ik Zalzala Zair-e-Zameen Nahee Aaata

Bharam Hai Mehr-o- Maa-o-Najam Ka Bhi Bas Jab Tak
Muqaabil In Ke Wo Roshan Jabee.n Nahee Aata

(Makeenn:Residents)(Nukta cheen:Interupting a conversation)

…

Ik Shaks Ko Soochnay Lagi Mein, Phir Aaina Dekhne Lagi Mein

Parveen Shakir Poetry

Ik Shaks Ko Soochnay Lagi Mein
Phir Aaina Dekhne Lagi Mein

Oski Tarah Apna Naam Le Kar
Khud Ko Bhee Lagi Nayi Nayi Mein

TU Mere Bagair Na Reh Sakaa Tou
Kub Tere Bagair Jee Saki Mein ???

Aati Rahay Ab Kaheen Se Aawaaz
Ab Tou Tere Paas Aagayi Mein

Daaman Tha Tera Ke Mera Maatha ?
Jo Daagh Bhee Thay Mita CHuki Mein

…

Mar bhi jaaon to kahan log bhula hi dein ge

Parveen Shakir Poetry

Mar bhi jaaon to kahan log bhula hi dein ge,
Lafz mere, mere honey ki gawaahi dein ge…

…

Hawaa ke hote huye roshni tu kar jaye

Parveen Shakir Poetry

Hawaa ke hote huye roshni tu kar jaye,
Meri tarah se koi zindagi tu kar jaye,

Tamaam umar tayeb mein hi basar hogi,
Teri taraf se nazar be-rukhi to kar jaye,

Chiragh-e-dil teh mehraab jaan na chore,
Hawaa ke sath koi dushmani to kar jaye,

Phir is ke baad jahan mein kahin panaah nahin,
Tere huzoor yeh jaan sarkashi tou kar jaye,

Woh dushmani ke bhi kaabil na mujh ko chore ga,
Us aadmi se yeh dil dosti tou ka jaye…

…

Dard phir jaaga, Puraana zakham phir taza hua

Parveen Shakir Poetry

Dard phir jaaga,purana zakhm phir taaza hua
fasl e gul kitnay qareeb aaii hai,andaza hua

Subha yuun nikli,sanwar kay jis terha koi dulhan
shabnam aawaiza hui,rang e shafaq ghaza hua

Haath meray bhool bethay dastaken dainay ka fun
band mujh par jab say us kay ghar ka darqaza hua

Rail ki seeti men kesay hijr ki tamheed thi
us ko rukhsat kar kay ghar loatay to andaza hua

(Seeti:Whistle)(Dastaken:Knock on the door)(Fun:Art)

…

Waqt ke sath anaasar bhi rahe sazish mein

Parveen Shakir Poetry

Waqt ke sath anaasar bhi rahe sazish mein,
Jal gaye pairr kabhi dhoop kabhi barish mein,

Woh tou ik saada-o-kam shauq ka talib nikla,
Hum ne naahiq hi ganwaya usey aarayesh mein,

Zindagi ki koi mehroomi nahin yaad ayi,
Jab talak hu mthey tere qurb ki asaayesh mein,

Aik dunya ka qaseeda tha agarche mere naam,
Lutf aata tha kisi shakhs ki fehmayesh mein,

Us ki ankhen bhi meri tarah se girdi kahin aur,
Khawb ka qarz barh jata hai ik khawish mein…

(Pairr:Tree)(Lutf:Enjoyment)(Qarz:Owing)(Asaayesh:Luxury)(Ganwaya:Loose)

…

Ikhteyaar ki aik koshish

Parveen Shakir Poetry

Agar ban mein rehna mukadar hai,
Aur yeh aik teh-shuda amar bhi hai,
Ke har ban mein bas bherriye muntazir hain mere,
Tou yeh sochti hoon,
Ke is soorat-e-haal mein,
Kyon na phir,
Apni marzi ke jungle mein ja basoon…

(Mukadar:Fate)(Teh-Shuda:Pre-Planned)(Soorat-e-haal:Situation)

…

Kya kya na khawb hijar ke mausam mein kho gaye

Parveen Shakir Poetry

Kya kya na khawb hijar ke mausam mein kho gaye,
Hum jagte rahe they magar bakht so gaye,

Us ne peyaam bheje to raste mein reh gaye,
Hum ne jo khat likhe woh hawaa burd ho gaye,

Mein sheher e gul mein zakham ka chehra kisey dikhaon,
Shabnam badast log tou kantey chubho gaye,

Aanchal mein phool le ke kahan ja rahi hoon mein,
Jo aney waley log they, woh log to gaye,

Kya janiye ufq ke udhar kya talism hai,
Lautey nahin zameen pe ik baar jo gaye,

Jese badan se qos-e-qaza phootne lagi,
Barish ke haath phool ke sab zakhm dho gaye,

Ankhon mein dheere dheerey utar ke puraney gham,
Palkon main nanhe nanhe sitarey piro gaye,

Woh bachpney ki need tou ab khawb ho gayi,
Kya umar thi ke raat huyi aur so gaye,

Kya dukh they, kon jaan sake ga, nigar-e-shab,
Jo mere aur tere dupatey bhigo gaye..

(Talism:Magic)(Piro:Attach)(Bhigo:Make Something Wet)(Hawaa Burd:Flown Away with Air)

…

Ajnabi logon mein ho tum aur itni door

Parveen Shakir Poetry

Ajnabi logon mein ho tum aur itni door ho,
Aik uljhan si raha karti hai rozaana humain..

…

Woh to khushbu hai, Hawaon mein bikhar jaye ga

Parveen Shakir Poetry

Woh to khushboo hai, hawaon main bikhar jaae ga
Maslaa to phool ka hai phool kidar jaae ga

Hum tou samjhe the ke ik zakhm hai bhar jaae ga
Kya khabar the keh rag e jaan main utar jaae ga

Woh hawaon ki tarhan khana e bajaan phirta hai
Ik jhonka hay jo aye ga, guzar jaae ga

Woh jab aye ga to phir uski rafaqat ke liye
Mousam e gul mere angan main theher jaae ga

Aakhrish woh bhi kahin rait pe bethe honge
Tera yeh pyar bhi daryaa hai utar jaae ga

Mujhko tehzeeb ke barzhak ka bana dia waris
Jurm yeh bhi mere ajdaad ke sar jaae ga

(Aakhrish:But)(Tehzeeb:Manners)(Rafaqat:Company,Being With)

…

Sukh ke mausam ka dukh

Parveen Shakir Poetry

Aaney wali ruton ke anchal mein
Koi saa’at saeed kya ho gi

Raat ke wakt rang kya pehnoon
Roshni ki kuleed kya hogi

Jabke baadal ki aut laazim ho
Janti hoon, ke deed kya hogi

Zard mausam ki khushk tehni se
Konplon ki umeed kya hogi

Chand ke koi pass bhi sunaney ko
Ab ke koi naweed kya hogi

Gul na hoga to jashne khushbu kya
Tum na ho ge tou eid kya hogi

…

Nanhi larki, Sahil ke itne nazdeek…

Parveen Shakir Poetry

Nanhi larki,
Sahil ke itne nazdeek,
Rait se apna ghar na bana,
Koi sarkash mauj idhar ayi, to
Tere ghar ki bunyadein tak beh jayen gi,
Aur phir un ki yaad mein tu,
Saari umar udaas rahe gi..

…

Chand Raat : Gaye baras ki eid ka din kiya acha tha

Parveen Shakir Poetry

Gaye baras ki eid ka din kya acha tha,
chaand ko dekh ke uskaa chehra dekha tha

Fazaa mein cactus ke lehjey ki nermahat thi
mausam apne rang mein faiz ka missraah tha

Dua ke be-awaz, ulohi lamhon mein
woh lamhaa bhi kitna dilkashh lamha tha

Haath utha ker jab Aankhoon hi aankhon mein
us ne mujh ko apne Rab se mangaa tha

Phir mere chehre ko haathon mein le ker
kitney pyar se mera maatha chooma tha!

Hawa! kuch aj ki shab ka ahwaal suna
kya woh apni chat per aj akela tha?

Ya koi mere jeisi saath thi, aur uss ne
chand ko dekh ke us ka chehra dekhaa tha?

…

Abr-e-bahaar ne, phool ka chehra

Parveen Shakir Poetry

Abr-e-bahaar ne
phool ka chehra
Apne banafshi hath mein le ker
Aese chooma
Phool ke sarey dukh
Khushbu ban kar beh nikle

…

Teri mohabbat ne ajab ik roshni baskhshi

Parveen Shakir Poetry

Mujhe teri mohabbat ne ajab ik roshni baskhshi,
Mein is dunya ko ab pehle se behter dekh sakti hoon.

Meri talab tha aik shakhs

Parveen Shakir Poetry

Meri talab tha aik shakhs woh jo nahin mila tou phir
Hath dua se yoon gira, Bhool geya sawaal bhi..

…

Hoon to khafa us se, Per janay phir bhi kyon

Parveen Shakir Poetry

Hoon To Khafa Us SE,
Per Janay Phir B Kiyn…?

Na Chaah Kar Bhi Us Ko Chahna Acha Lagta Hai…

Haqeeqat Se Hoon Dhoor,
Ye Mujh Ko Hai Pata…

Per Jaan K Anjaan Rehna Acha Lagta Hai…

Qaayel Nahi Main Ronay Ki Phir B Kabhi Kabhi…

Tanhai Main Kuch Dair Rona Acha Lagta Hai…

Tu MERA Tha,
Tu MERA Hai,
Tu MERA Rahay Ga…

Kuch Pal Is Khawab Mein Khona Acha Lagta Hai….!!

…

Zara Socho

Parveen Shakir Poetry

Hum Tasleem Kartey Hain
Humain Fursat Nahi Milti.

Magar

Ye Bhi Zara Socho
Tumhain Jab Yaad Kartey Hain
Zamana Bhool Jatey Hain.

…

Acha Lagta Hai

Parveen Shakir Poetry

Hoon To Khafa Us SE,
Per Janay Phir B Kiyn…?

Na Chaah Kar Bhi Us Ko Chahna Acha Lagta Hai…

Haqeeqat Se Hoon Dhoor,
Ye Mujh Ko Hai Pata…

Per Jaan K Anjaan Rehna Acha Lagta Hai…

Qaayel Nahi Main Ronay Ki Phir B Kabhi Kabhi…
Tanhai Main Kuch Dair Rona Acha Lagta Hai…

Tu MERA Tha,
Tu MERA Hai,
Tu MERA Rahay Ga…

Kuch Pal Is Khawab Mein Khona Acha Lagta Hai….!!

…

Teri khushbu ka pata karti hai

Parveen Shakir Poetry

Teri khushbu ka pata karti hai
Mujh pe ehsan hawa karti hai

Shab ki tanhai main ab to aksar
Guftagu tujh se raha karti hai

Dil ko us rah pe chalna hi nahin
Jo mujhe tujh se juda karti hai

Zindagi meri thi lekin ab to
Tere kahne main raha karti hai

Us ne dekha hi nahin warna ye ankh
Dil ka ehwal kaha karti hai

Beniyaz-e-kaf-e-dariya angusht
Ret par nam likha karti hai

Sham parte hi kisi shakhs ki yad
Kucha-e-jan main sada karti hai

Mujh se bhi us ka hai waisa hi suluk
Hal jo tera ana??? Karti hai

Dukh hua karta hai kuch aur bayan
Bat kuch aur hua karti hai

Abr barse to inayat us ki
Shakh to sirf dua karti hai

Masla jab bhi utha chiragon ka
Faisala sirf hawa karti hai

…

Wo to khushbu hai hawaon main bikhar jayega

Parveen Shakir Poetry

Wo to khushbu hai hawaon main bikhar jayega
Masla phul ka hai phul kidhar jayega

Ham to samjhe the k ek zakhm hai bhar jayega
Kya khabar thi k rag-e-jan main utar jayega

Wo hawaon ki tarah khanabajan phirta hai
Ek jhonka hai jo ayega guzar jayega

Wo jab ayega to phir us ki rafaqat k liye
Mausam-e-gul mere angan main thahar jayega

Akhir wo bhi kahin ret pe baithi hogi
Tera ye pyar bhi dariya hai utar jayega

…

mujh pay ehsaan hawa karti hai

Parveen Shakir Poetry

teri khushbu ka pataa karti hai,
mujh pay ehsaan hawa karti hai,

shab ki tanhai mei ab to aksar,
guftagu tujh say raha karti hai,

dil ko us raah pay chalna hee nahi,
jo mujhay tujh say juda karti hai,

zindagi meri thee lekin ab to,
teray kehnay mei raha karti hai,

us nay dekha he nahi warna yeh aankh,
dil ka ehwaal kaha karti hai,

shaam parrtay he kisi shakhs ki yaad,
koocha e jaan mei sadaa karti hai.

…

Tumko is sy kya

Parveen Shakir Poetry

Toti hai meri Neend Mgar tum ko es sy kya
Bajty rahein hawaoon say dar tum ko es sy kya

Tum moj moj Misl-e-Saba Ghoomty raho
Kat jaen meri soch k par, tum ko es sy kya

Oron ka hath thamo, unhen rasta dikhao
Mein bhul jaoon apna hi ghar, tum ko es sy kya

Lay jaein Mujhay Mal-e-Ganeemat k sath adouu
Tum nay to daal di hai sapar, tum ko es sy kya

Tum nay to thak k dasht mein khaimay laga liyee
tanha kattay kisi ka safar,tum ko es sy kya..!!!

…

Mulakaat Musalsal

Parveen Shakir Poetry

Tash’khees Baja hai ke Mujhe ishaq hua Hai
Nus’khay mein Likho, Un se Mulakaat Musalsal….!!!

…

MERE QAREEB HO

Parveen Shakir Poetry

KOI RAAT MERE ASHNA MUJHE YOUN B TO NASEEB HO..
NA KHYAL HO LIBAS KA WO ITNA MERE QAREEB HO..

BADAN KI GARAM AANCH SE MERI AARZU KO AAG DE..
MERA JOSH B BEHAK UTHAY MERA HAAL B AJEEB HO..

TERAY CHASHNI WAJOOD KA MAIN SARA RASS NICHOR LOON..
PHIR TU HE MERA MARZ HO PHIR TU HE MERA TABEEB HO..

…

Chor jaoungi

Parveen Shakir Poetry

Bhulanay se jo bhuly na wo kahani chor jaoungi
teri ankhoon me pani ki aisy nami chor jaoungi

lipat kar dair tak dar-o-dewar roye gy
main aisi sog me lipti jwani chor jaoungi

mitao gy kahan thak tum meri batan meri yadan
main har ik mor per apni nishani chor jaoungi

mera ya lafz mujha mar kay bhi marna nahi dain gay
main chup ho kay bhi lehje ki rawani chor jaoun gi

kuch is tarhan se niklon gi is dunya ko thukra kar
main dushman kay bhi chehry par herani chor jaoungi …!!!

…

Is Sheher k Logon Nay

Parveen Shakir Poetry

Aadat Hi Bana Li Hai Is Sheher k Logon Nay
Andaaz badal lena,awaaz badal lena

Dunia ki muhabbat main atwaar badal lena
Mosaum jo naya aaye raftaar badal lena

Agyaar wohi rakhna aehbaab badal lena
Aadat hi bana li hai es sheher k logon nay

Rasty main agar milna nazron ko jhooka lena
Awaaz agar do to katra k nikal jana

Har ek say juda rehna har ek say khafa rehna Har ek ka gila karna
Jaty hoye raahi ko manzil ka pata day kar rasty main rula dena

Aadat hi bana li hai es sheher k logon nay.

…

kehne Lage

Parveen Shakir Poetry

Gair To Kiya Apne Liye Bhi Bekar Howe Hum
Ek Khaar K Liye Bhi Boht Khawaar Howe Hum,

Jab Weeran Sabza Zaar Men Ek Phool Aagiya
To kehne Lage Sabhi Raqeeb Khazaan Daar Howe Hum,

Yeh Shekwe Shekayten Nahi Ahwaal Hai Mera
Ab Anjaan Hain Jin K Liye Dildaar Howe Hum,

Afsos k is Ne Wafa Ka Paas Na Rakha
Jis K Liye Khud Se Bhi Gaddaar Howe Hum.

…

Yaad buhat tum aye

Parveen Shakir Poetry

kal halki halki barish thi,
kal sard hawa ka raqs bhi tha,

Kal phool bhi nikhray nikhray the,
Kal un main app ka aqs bhi tha,

kal badal gehray kaale the,
Kal chand pe laakhon pehre the..

Kuch tukry app ki yaadon ke,
Bari dair se dil main thehre the..

Kal yaadien uljhi uljhi thien,
Aur kal tak yeh na suljhi thien..

Kal yaad buhat tum aye the?..
Kal yaad buhat tum aye the?..

…

kamaal-e-zabt

Parveen Shakir Poetry

kamaal-e-zabt ko Khud bhii to aazamauNgii
main apane haath se us kii dulhan sajauNgii

supurd kar ke use chaaNdanii ke haathon
main apane ghar ke aNdheron ko lauT auNgii

badan ke karb ko vo bhii samajh na payega
main dil men rouuNgii aaNkhon men muskurauNgii

vo kyaa gayaa ke rafaaqat ke saare lutf gaye
main kis se ruuTh sakuuNgii kise manauNgii

vo ik rishtaa-e-benaam bhii nahiin lekin
main ab bhii us ke ishaaron pe sar jhukauNgii

bichhaa diyaa thaa gulaabon ke saath apanaa vajuud
vo so ke uThe to Khvaabon kii raakh uThauNgii

ab us kaa fan to kisii aur se manasuub huaa
main kis kii nazm akele men gun_gunauNgii

javaz DhuuNDh rahaa thaa nayii muhabbat kaa
vo kah rahaa thaa ke main us ko bhuul jauNgii

koi dastoor hota hai

Parveen Shakir Poetry

Suna hai janglon ka bhi koi dastoor hota hai

Suna hai sher ka jab pait bhar jaaye
To wo hamla nahin kerta,

Suna hai jab kisi nadi k paani mainBue k ghonsle ka gandami saaya larazta hai

To nadi ki ro pehli machhilyaan us ko
Parosi maan leti hain,

Hava k taiz jhonke jab darakhton ko hilaate hain
To Meena apne ghar ko bhool ker

Ka?uve k andon ko paron main thaam leti hai
Suna hai Ghonsle se jab koi bacha gire to

Saara jangle jaag jaata hai.
Naddi main baar aa jaaye

Koi Pull toot jaaye
To kisi lakri k takhte per

Gulahri, Saanp, Cheeta aur Bakri
Saath hote hain.

Suna hai janglon ka bhi koi dastoor hota hai,
Khuda-wanda Jaleel-o Mu?atbar, Daana-o Beena Munsif-o Akber,

HUMARE SHAHAR MAIN AB,
JANGLON KA HI KOI DASTOOR NAAFIZ KER..!!

…

Masla phul ka hai

Parveen Shakir Poetry

wo to khushbu hai hawaon main bikhar jayega
masla phul ka hai phul kidhar jayega

ham to samjhe the k ek zakhm hai bhar jayega
kya khabar thi k rag-e-jan main utar jayega

wo hawaon ki tarah khanabajan phirta hai
ek jhonka hai jo ayega guzar jayega

wo jab ayega to phir us ki rafaqat k liye
mausam-e-gul mere angan main thahar jayega

akhir wo bhi kahin ret pe baithi hogi
tera ye pyar bhi dariya hai utar jayega

…

Ku-ba-ku phail gai bat

Parveen Shakir Poetry

ku-ba-ku phail gai bat shanasai ki
us ne khushbu ki tarah meri pazirai ki

kaise kah dun k mujhe chor diya hai us ne
bat to sach hai magar bat hai ruswai ki

wo kahin bhi gaya lauta to mere pas aya
bas yahi bat hai achi mere harjai ki

tera pahlu tere dil ki tarah abad rahe
tujh pe guzre na qayamat shab-e-tanhai ki

us ne jalti hui peshani pe jo hath rakha
ruh tak a gai tasir masihai ki

…

Mujh pe ehsan

Parveen Shakir Poetry

teri khushbu ka pata karti hai
mujh pe ehsan hawa karti hai

shab ki tanhai main ab to aksar
guftagu tujh se raha karti hai

dil ko us rah pe chalna hi nahin
jo mujhe tujh se juda karti hai

zindagi meri thi lekin ab to
tere kahne main raha karti hai

us ne dekha hi nahin warna ye ankh
dil ka ehwal kaha karti hai

beniyaz-e-kaf-e-dariya angusht
ret par nam likha karti hai

…

Qalam Main Sayahi

Parveen Shakir Poetry

?Kiun Rakhoon Main Apne Qalam Main Sayahi?!?
?Jab Koi Armaan Dil Main Machalta Hi Nahi?!?

?Na_Jane Kiun Sabhi Shak Karte Hain Mujh Par?!?
?Jab Sookha Gulab Meri Kitaabon Main Milta Hi Nahi?!?

?Kashish To Bohat Thi Mere Pyaar Main?!?
?Magar Kya Karoon Koi Pathar Dil Pighalta Hi Nahi.!

Agar Khuda Mile To Us Se Apna Pyaar Mangoon Ga.!
?Par Suna Hai Wo Marne Se Pehle Kisi Se Milta Nahi?

…

Zakhum-E-Jigar

Parveen Shakir Poetry

Dard Kia Hota Hai Batayein Gay Kisi Roz
Kamal Ki Ghazal Tum Ko Sunayein Gay Kisi Roz

Thi Un Ki Zid K Main Jaaoun Un Ko Manane
Mujh Ko Ye Veham Tha Wo Bulayein Gay Kisi Roz
…
Kabi B Maine To Socha B Nahi Tha
Wo Itna Mere Dil Ko Dukhayein Gay Kisi Roz

Har Roz Sheshay Se Yehi Poochta Hoon Main
Kia Rukh Pe Tabassum Sajayein Gay Kisi Roz

Urney Do In Parindon Ko Azaad Fizaon Mein
Tumhare Hon Agar To Lout Aayein Gay Kisi Roz

Apne Sitam Ko Dekh Lena Khud Hi Saqi Tum
Zakhum-E-Jigar Tumko Dekhein Gay Kisi Roz

…

Gham-e-jaana k chalan

Parveen Shakir Poetry

Gham-e-dauran’ ne bhi seekhey Gham-e-jaana k chalan
wohi sochi hui chalein’ wohi besaKhtapan

wohi iqrar mein inkaar k lakhon’ pehlu
wohi hon’ton’ pe tabassum wohi abaru pe shikan

kis ko dekhaa hai k pindaar-e-nazar ke baavasaf
ek lamhe ke liye ruk gai dil ki dharkan

kaun si fasl mein is baar mile hein tujh se
ham ko parvaah-e-gireban’ hey na fikr-e-daman

ab to chubhati hai hava barf ke maidaano ki
un dino jism ke ehasas se jalata tha badan

…

Mery hm-sukhan

Parveen Shakir Poetry

Mery hm-sukhan ka yeh hukm tha k kalaam us say main km karoon..
mery hont aesy silay k phir usay meri chup nay rula dia…….

…

Teri ek nigaah

Parveen Shakir Poetry

Mere paas itnay sawaal thay meri umar se na simat sakay
Tere paas jitnay jawaab thay teri ek nigaah main aa gaye!!

…

Nibhao bhi

Parveen Shakir Poetry

vo ehad, ehad hi kya jise nibhao bhi
hamaare vadaa-e-ulfat ko bhul jaao bhi

bhala kaha ke ham aise gumaan valey hein
hazar baar ham aaye hamein bulaao bhi

bigar chala hai bahut rasm-e-Khud_kushi ka chalan
Daraane valo kisi roz kar dikhao bhi

tumhari neend mey Dubi hui aankho ki qasam
hamin ye zid hai k jaago bhi aur jagaao bhi

…

Dil Me Utar Ke

Parveen Shakir Poetry

Tum Sey Kitna Pyar hai Dil Me Utar Ke Dekh Lo
Na Yaqeen Aaye To Phir Dil Badal Ke Dekh Lo

Hum Ne Apni Har Saanss Per Naam Tera Likh Dia
Ek Tujhe Paane Ki Khatir Khud Ko Pagal Kar Dia

Ishq Me Tum Bhi Sanam Hadh Se Guzar Ke Dekh Lo
Tum Sey Kitna Pyar Hai Dil Me Utar Ke Dekh Lo

Jaane Kyun Saare Jahaan Se Ho Gayi Bekhabar
Jab Se Tum Ankhoon Me Aaye Jaagti Hai Ye Nazar

Apny Ratoon Se Meri Ratein Badal Ke Dekh Lo
Tum Sey Kitna Pyar Hai Dil Me Utar Ke Dekh Lo

…

Parveen Shakir Poetry

Saza Ban Jati Hai Guzre Huwe Waqt Ki Yaadein,
Najaane Kyun ChoOr Jaane K Liye Meharban Hote Hein LoOg…

…